Linac

ხაზოვანი ამაჩქარებელი (Linac), გამოიყენება კიბოს მკურნალობაში და ფლობს მაღალი ენერგიის რადიაციის გამომუშავების ფუნქციას. იგი მნიშვნელოვან როლს ასრულებს რადიოთერაპიულ მკურნალობაში და გულისხმობს კიბოს უჯრედების განადგურებას ან მათი გამრავლების შეჩერებას. ამ მეთოდით რადიოთერაპიის დროს რადიაცია მოქმედებს სამიზნე უჯრედებზე და მინიმალურად აზიანებს ჯანმრთელ უჯრედებს. Linac-ი, დოზის კონტროლის შესაძლებლობისა და ეფექტურობის წყალობით კიბოს სხვადასხვა სახეობის მკურნალობაში წარმატებით გამოიყენება.

PET-CT

Პოზიტრონ ემისიური ტომოგრაფია - კომპიუტერული ტომოგრაფია (PET-CT), ბირთვული მედიცინის კვლევის მეთოდია. PET და CT გაერთიანებული გამოსახულებები ერთდროულად იძლევა ანატომიური და ფუნქციური მახასიათებლების შეფასების საშუალებას. ძირითადად კიბოს დიაგნოსტიკაში და მკურნალობაში გამოიყენება. PET-CT-ის საშუალებით შესაძლებელია დაავადების ადრეული დიაგნოსტიკა, მკურნალობაზე ორგანიზმის პასუხის და დაავადების გავრცელების ხარისხის განსაზღვრა.

1.5 Tesla MR

1.5 ტესლა მრტ გამოკვლევის დროს რადიოტალღების გამოყენებით ხდება შინაგანი ორგანოების დეტალური გამოსახულების მიღება, რომლის საშუალებითაც შესაძლებელია გულ-მკერდის, მუცლის, თავის ტვინის, ფილტვების, მუხლის, გულის, მენჯის და სხვა ორგანოების დაავადებების აღმოჩენა.

მთელი სხეულის მრტ კვლევაI

მთელი სხეულის მრტ კვლევა სპეციალურად კიბოს რისკის მატარებელი ადამიანებისთვის შემუშავებული check-up გამოკვლევის სრულყოფილი მეთოდია, რომლის დროსაც ერთი პროცედურით შესაძლებელია მთელი სხეულის დათვალიერება. მისი საშუალებით დაავადების აღმოჩენა სიმპტომების გამჟღავნებამდე და სიმსივნის გავრცელებამდე ხდება.ამ გამოკვლევას მიმართავენ ასევე მემკვიდრეობითი კიბოს რისკის მქონე ადამიანები.

ექსიმერ ლაზერი

რქოვანას ფორმის კორექტირებით მიოპიის, ჰიპერმეტროპიის და ასტიგმატიზმის მსგავსი თვალის დაავადებების სამკურნალო ლაზერული აპარატია. მისი საშუალებით შესაძლებელია თვალის დაავადებების ხანმოკლე დროში მკურნალობა და იგი პაციენტს ათავისუფლებს სათვალისა და კონტაქტური ლინზების ტარების საჭიროებისგან.

Femto ლაზერული ტექნოლოგია

ეს მეთოდი გამოიყენება კატარაქტას მკურნალობისთვის, რომელიც ბროლის შემღვრევის შედეგად ვითარდება და იწვევს მხედველობის დაქვეითებას. განაკვეთი რქოვანაზე ქირურგიული დანის გარეშე, ლაზერის სხივით ხორციელდება და ნაკლებად აზიანებს მოსაზღვრე ქსოვილებს. Femto ლაზერული ტექნოლოგია ასევე გამოიყენება ასტიგმატიზმის კორექციისთვის.

3D ტომოსინთეზი ციფრული მამოგრაფია

3D ტომოსინთეზი ციფრული მამოგრაფია სარძევე ჯირკვლის ქსოვილის 3D გამოსახულებას იძლევა. ამ მეთოდით შესაძლებელია სხვადასხვა პროექციით სარძევე ჯირკვლის ქსოვილის 1მმ-იანი შრეების მრავალრიცხოვანი გამოსახულების მიღება. იგი ძუძუს კიბოს ადრეული დიაგნოსტიკისთვის გამოიყენება.

პროსტატის ბიოფსიისთვის 3D გამოსახულება და ნავიგაციის სისტემა

იგი მრტ-სა და ბიოფსიის პროცედურების დროს მიღებულ ულტასონოგრაფიულ გამოსახულებებს სამ განზომილებაში აერთიანებს და ნავიგაციის ფუნქციით ახდენს სიმსივნის მდებარეობის დადგენას. ეს ტექნოლოგია პროსტატის კიბოს ადრეული დიაგნოსტიკისთვის გამოიყენება.

DSA ციფრული ანგიოგრაფია

DSA (ციფრული ანგიოგრაფია) სისხლძარღვების დეტალური ვიზუალიზაციისთვის გამოიყენება. მიღებული გამოსახულების საშუალებით ხდება სისხლძარღვთა დაავადებების დიაგნოსტიკა. გამოკვლევის ეს მეთოდი ეფექტურია ორგანიზმის სხვადასხვა უბანში მდებარე სისხლძარღვების შევიწროების, მალფორმაციის, ფისტულის მსგავსი დაავადებების დასადგენად.

ფემტოწამის ლაზერი

თვალის ლაზერული ქირურგიული მეთოდი LASIK (situ keratomileusis) გამოიყენება მიოპიის, ჰიპერმეტროპიის და ასტიგმატიზმის მსგავსი პრობლემების ლაზერული კორექციისათვის.

ფიბროსკანი

ფიბროსკანი სამედიცინო ხელსაწყოა, რომელიც ულტრაბგერითი ტალღების დახმარებით ფილტვის დაზიანების, ფიბროზული ქსოვილის სიდიდის და ფილტვის გაცხიმოვნების ხარისხის დადგენას ახდენს. იგი ბიოფსიის ალტერნატივაა და ამავე დროს ფილტვის სხვადასხვა დაავადების მონიტორინგისა და მკურნალობის ეფექტურობის შესაფასებლად გამოიყენება.

HOLEP

HOLEP ლაზერული მოწყობილობაა. მისი საშუალებით პროსტატის ოპერაცია საშარდე არხიდან შესვლით დახურული მეთოდით, ძირითადად სპინალური ანესთეზიით ხორციელდება. HOLEP-ის მეთოდი გამოიყენება როგორც პროსტატის დაავადებების, ასევე პროსტატის კეთილთვისებიანი ჰიპერპლაზიის სამკურნალოდ.

ულტრასონოგრაფია

ულტრასონოგრაფიის დროს (US) გამოსახულების მიღება ხმოვანი ტალღების საშუალებით ხდება. ბევრი დაავადების დიაგნოსტიკა სწორედ ულტრასონოგრაფიული მოწყობილობის დახმარებით ხორციელდება. არ ახასიათებს გვერდითი მოვლენები, არ იწვევს ტკივილებს, არ შეიცავს რადიაციის რისკს, რაც პაციენტს ათავისუფლებს მავნე რადიაციული გამოსხივებისგან.

კომპიუტერული ტომოგრაფია(KT)

კომპიუტერული ტომოგრაფია(KT) გამოსახულებითი კვლევის მეთოდია, რომლის დროსაც სპეციალური რენტგენის სხივის მეშვეობით შინაგანი ორგანოების დეტალური გამოსახულების მიღება ხდება. მიღებული გამოსახულებების გაერთიანებით შესაძლებელია სისხლძარღვების, ძვლებისა და რბილი ქსოვილების შრეობრივი დათვალიერება.

მამოგრაფია

მამოგრაფია გამოკვლევის მეთოდია, რომელიც დაბალი დოზის სხივების საშუალებით სარძევე ჯირკვლის დაავადებების სადიაგნოსტიკოდ გამოიყენება. განსაკუთრებით ხშირად ძუძუს კიბოს ადრეული დიაგნოსტიკისთვის მიმართავენ.

რენტგენი

რენტგენოლოგიური გამოკვლევის დროს რენტგენის სხივების საშუალებით ხდება შინაგანი ორგანოების, ძვლებისა და რბილი ქსოვილების დათვალიერება. იგი მნიშვნელოვან როლს ასრულებს მრავალი დაავადების დიაგნოსტიკისა და მკურნალობის პროცესში.

EUS (ენდოულტრასონოგრაფია)

EUS არის პროცედურა, რომლის საშუალებითაც საჭმლის მომნელებელი სისტემის ენდოსკოპიაში გამოყენებული სპეციალიზებული მოწყობილობებით, შინაგანი ორგანოების ულტრაბგერითი ვიზუალიზაცია ხდება. ეს მეთოდი საჭმლის მომნელებელი სისტემის ორგანოების(კუჭის, ნაწლავების, ნაღვლის ბუშტის, ღვიძლის, პანკრეასის) სიმსივნეების სტადიის დადგენასთნ ერთად დაზიანებული ქსოვილების გამოსაკვლევად გამოიყენება.

EBUS (ენდობრონქიალური ულტრასონოგრაფია)

ბრონქოსკოპია, ბრონქოსკოპის საშუალებით სასუნთქი გზების დათვალიერების პროცედურაა. EBUS-ი კი ბრონქოსკოპიის დროს როგორც სასუნთქი გზების კედლების, ასევე ფილტვების ულტრასონოგრაფიული გამოკვლევის საშუალებას იძლევა. ეს მეთოდი ფილტვის კიბოს, ბრონქებიდან სისხლდენის, ფილტვების ფიბროზის, ლიმფომის და ტუბერკულოზის მსგავსი დაავადებების დიაგნოსტიკისთვის გამოიყენება.