გადმოგირეკავთ
მედიკანა სივასის საავადმყოფო სივასისა და ახლომდებარე რაიონებისთვის თანამედროვე და ხარისხიანი სამედიცინო სერვისების მიწოდების მიზნით 2015წლის იანვარში დაარსდა. მედიკანა ჯანდაცვის ჯგუფის 15საავადმყოფოდან ერთ-ერთი, მედიკანა სივასის საავადმყოფო, საერთაშორისო სტანდარტებით, უახლესი ტექნოლოგიებით, ინფრასტრუქტურით, აკადემიური პერსონალით, თანამედროვე სადიაგნოსტიკო განყოფილებებით, 24/7 სასწრაფო სერვისებით, დიალიზის, სამედიცინო ონკოლოოგიის,მესამე ნაბიჯის ინტენსიური თერაპიის, ახალშობილთა ინტენსიური თერაპიის და სხვა ძირითადი განყოფილებებით სთავაზობს მომსახურებას პაციენტებს.
28000 კვ.მ. დახურული ტერიტორია
მედიკანა სივასის საავადმყოფო განლაგებულია 28000კვ.მ დახურულ ტერიტორიაზე და მოიცავს 219საწოლს, 7საოპერაციოს, 49 ინტენსიური თერაპიის საწოლს, 15 ახალშობილთა ინტენსიური თერაპიის საწოლს, 4კორონარული ინტენსიური თერაპიის საწოლს და 28 დაკვირვების საწოლს. განვითარებული, სპეციფიკური ინტენსიური თერაპიის საწოლების რაოდენობით, მედიკანა სივასის საავადმყოფო ანადოლუს ჯანდაცვის სფეროში ინტენსიური თერაპიის პრობლემას აღმოფხვრის და SGK-თან მიღწეული შეთანხმებით საერთაშორისო სტანდარტის უახლესი ტექნოლოგიური შესაძლებლობებით, კომფორტულ შენობებში, ექიმებსა და თანამედროვე აღჭურვილობაში განხორციელებული ინვესტიციებით ემსახურება არა მხოლოდ შიდა ანადოლუს, არამედ სხვადასხვა რეგიონიდან ჩამოსულ პაციენტებს.
პაციენტის უსაფრთხოება უპირველეს ყოვლისა
მედიკანა ჯანდაცვის ჯგუფის ყველა საავადმყოფოს მსგავსად, პაციენტზე ორიენტირებული მედიკანა სივასის საავადმყოფო, უზრუნველყოფს მაქსიმალურ ხარისხსა და კომფორტს. მისთვის პრიორიტეტია პაციენტის უსაფრთხოება, უფლებები და საჭიროებები და მიზნად ისახავს თანამედროვე და უწყვეტი სამედიცინო სერვისების მიწოდებას.
თანამედროვე სერვისები ყველა განყოფილებაში
მედიკანა სივასის საავადმყოფოს ყველა სამედიცინო განყოფილება კვირაში 7დღე, 24სთ-ის მანძილზე ემსახურება პაციენტებს. საავადმყოფო,რომლისთვისაც პრიორიტეტს პაციენტის უსაფრთხოება და კომფორტი წარმოადგენს და ითვალისწინებს რეგიონის სამედიცინო საჭიროებებს, ყურადღებას იპყრობს თავისი ლოკაციითა და სამედიცინო სერვისებით.
მედიკანა სივასის საავადმყოფოში განლაგებულია 137 სტანდარტული პალატა, რომელიც სრულად პასუხობს პაციენტისა და თავმდგმურის ძირითად საჭიროებებს. ფართო, ნათელ ოთახებში უზრუნველყოფილია ტელევიზიის, ინტერნეტის, საშხაპის მსგავსი სერვისები.პალატაში არის აგრეთვე თავმდგმურის მოსასვენებელი ორადგილიანი სავარძელი, დაცემის რისკის საწინააღმდეგო საინფორმაციო ბროშურა, საპირფარეშოსა და სააბაზანოებში მოსაჭიდებელი მეტალის მოწყობილობა და სასწრაფო დახმარების ზონარი.
6 ლუქს პალატა, რომელიც პასუხობს პაციენტისა და თავმდგმურის ბევრ სხვადასხვა საჭიროებას, შედგება ორი ნაწილისგან და უზრუნველყოფს სახლურ კომფორტს, სადაც თავმდგმურისთვის გამოყოფილია ცალკე ოთახი, სააბაზანო და სავარძელი. პაციენტის ოთახში განთავსებულია ტელევიზორი და დაცულია ყველა ჰიგიენური პირობა. პაციენტის საწოლის თავთან მოთავსებულია ექთნის გამოძახების ღილაკი. საპირფარეშოსა და სააბაზანოებში არის დაცემის საწინააღმდეგო მეტალის მოსაჭიდებელი მოწყობილობა და სასწრაფო დახმარების ზონარი.
სასტუმროს სერვისები
•ოთახები ერთ პერსონაზე
•ლუქს ოთახები
•ტელევიზორი
•კონდიციონერი
•ოთახის მომსახურება
•სალოცავი ოთახი
•სტილისტი
•დიალიზის სერვისი
•ფიზიოთერაპია და რეაბილიტაცია
მედიკანა სივასის საავადმყოფოს ყველა სამედიცინო განყოფილება კვირაში 7დღე, 24სთ-ის მანძილზე ემსახურება პაციენტებს. საავადმყოფო რომლისთვისაც პრიორიტეტს პაციენტის უსაფრთხოება და კომფორტი წარმოადგენს, და რომელიც ითვალისწინებს რეგიონის სამედიცინო საჭიროებებს, ყურადღებას იპყრობს თავისი ლოკაციითა და სამედიცინო სერვისებით.
ონკოლოგიური განყოფილება
მედიკანა სივასის საავადმყოფოში მდებარეობს ონკოლოგიური განყოფილება, რომელიც პასუხობს პაციენტების ყველა სამედიცინო თუ სოციალურ საჭიროებას. განყოფილებაში ონკოლოგიის დარგების(ონკოლოგიური ქირურგია და სამედიცინო ონკოლოგია) ძირითად კლინიკურ მეთოდებთან ერთად თანამედროვე ტექნოლოგიებსაც იყენებენ.
ინტენსიური თერაპიის სერვისი
49 ინტენსიური, ახალშობილთა15, 5 კარდიო-ვასკულარული, 4კორონარული ინტენსიური თერაპიის და 28დაკვირვების საწოლით უზრუნველყოფს სამედიცინო სერვისებს.
ბავშვთა კლინიკა
,,ბავშვის მეგობარი’’ საავადმყოფოს სტატუსის მატარებელი მედიკანა სივასის საავადმყოფოში ბავშვთა კლინიკა მდებარეობს საავადმყოფოსგან იზოლირებულად, სადაც მდებარეობს ასევე იზოლირებული მოსაცდელი სივრცე.
მრავალფუნქციური სასწრაფო დახმარების სერვისი.
მედიკანა სივასის საავადმყოფოს სასწრაფო დახმარების განყოფილებაში სახმელეთო და საავიაციო სასწრაფო დახმარების მეშვეობით უზრუნველყოფილია ყველა გადაუდებელი და ამბულატორიული სერვისი. განყოფილება მოიცავს დეკონტამინაციას,პაციენტის რეანიმაციას,გადაუდებელ დახმარებას, რადიოლოგიურ გამოკვლევას, დაკვირვების პალატებს, ზრდასრულის 10, ბავშვის 6 და 2 იზოლირებულ პალატას.
მეანგინეკოლოგიაში მოწინავე საავადმყოფო
შობადობის მაღალი მაჩვენებლის საავადმყოფოში დასაქმებულია 5 პროფესიონალი ექიმი და პაციენტს აქვს შესაძლებლობა, მშობიარობის წარმართვისთვის აირჩიოს ექიმი, რომელიც თვალ-ყურს ადევნებდა ორსულობის პროცესს. განყოფილებაში ტარდება სამმაგი და ოთხმაგი სკრინიგები, რათა ორსულობის პროცესი წარიმართოს პრობლემების გარეშე. გარდა ამისა დეტალური ულტრასონოგრაფიული აპარატის საშუალებით ორსულობის 17-23კვირაში შესაძლებელია ნაყოფის შინაგანი ორგანოების დათვალიერება. ახალშობილის დაბადების პირველი წამიდან პროფესიონალთა გუნდის მიერ ჩატარებული ყველა აუცილებელი პროცედურის შემდეგ, იგი მიყავთ პალატაში დედასთან. ერთსაწოლიან პალატებში მუდმივად მიმდინარეობს მელოგინეზე თვალყურის დევნება, ჩვილს უტარდება სმენის ტესტი და სხვა სტანდარტული გამოკვლევები. ბებიაქალები ახალბედა დედებს უტარებენ ინსტრუქტაჟს ჩვილის მოვლის და ძუძუთი კვების ტექნიკების შესახებ.
თუ გსურთ უკვდავყოთ დაუვიწყარი წუთები, შეგიძლიათ ისარგებლოთ ჩვენი ფოტოგრაფის სერვისით. იგი ფირზე აღბეჭდავს ყველა მნიშვნელოვან მომენტს პალატაში, საოპერაციო-სამშობიარო ოთახში, ჩვილის სამყაროში მოვლენის წამს და პირველი დღის ბედნიერ კადრებს.
დაბადებიდან პირველი 28დღის განმავლობაში მიმდინარეობს ჩვილზე რეგულარული დაკვირვება. ამის შემდეგ მედიკანას ჩვილებს ყოველ წამს შეუძლიათ ისარგებლონ ქვეყნად მოვლენის უპირატესობებით. თუ ბიჭის მშობლები ხართ, შეგიძლიათ მიმართოთ ჩვენს ბავშვთა ქირურგს წინადაცვეთის პროცედურისთვის, რომელსაც ხელეწიფება პროცედურის შემდგომი რეაბილიტაციის პერიოდის შემცირება.
სივასისა და მიმდებარე რეგიონების გული აბარია მედიკანას
ანგიოგრაფიულ ლაბორატორიაში წელიწადში საშუალოდ 1000 პროცედურა (კორონარული ანგიოგრაფია, სტენტირება,სტიმულატორი) და 200-ზე მეტი შუნტირების ოპერაცია ტარდება.
სამედიცინო ტურიზმი
ქალაქის და ქვეყნის ფარგლებს გარედან შემოსულ პაციენტებს მედიკანა სივასის საავადმყოფო საერთაშორისო სტანდარტების შესაბამის მომსახურებას სთავაზობს და სამედიცინო ტურიზმის სფეროში გულ-სისხლძარღვთა ქირურგიის, კარდიოლოგიის, ზოგადი ქირურგიის, ნეიროქირურგიის, ორთოპედიის, სტომატოლოგიის, სამედიცინო ესთეტიკის და მეან-გინეკოლოგიის განყოფილებებით ერთ- ერთი მოწინავე სამედიცინო დაწესებულებაა. პაციენტთა საერთაშორისო ცენტრით ჩვენ მუდამ უცხოელი პაციენტების სამსახურში ვართ.
საერთაშორისო პაციენტებისთვის UHM ოფისი
მედიკანა სივასის საავადმყოფოში არსებობს დიაგნოსტიკისა და მკურნალობისათვის სხვადასხვა ქვეყნიდან ჩამოსული საერთაშორისო პაციენტებისთვის სპეციალურად შექმნილი განყოფილება, სადაც პაციენტს მომსახურების მიღება ინგლისურ ენაზეც შეუძლია.
მედიკანა სივასის საავადმყოფო, რომელიც ადვილად მისადგომია სივას ნური დემირაას აეროპორტიდან, მდებარეობს ცენტრალურ ადგილას და ახლოს მდებარე გაჩერებასთან გაივლის ყველა შიდა საქალაქო ავტობუსი. საქალაქთაშორისო ავტობუსების ტერმინალიდან 1.7კმ., მატარებლის სადგურიდან 2.5კმ., სივას ნური დემირაას აეროპორტიდან 24კმ, ქალაქის ცენტრიდან კი 1.9კმ. მანძილზე მდებარეობს.
კერძო ტრანსპორტით: მიყევით ერზინჯანის გზას. უსაფრთხოების გზაჯვარედინზე მარცხნივ მოხვევიდან 150მ-ის შემდეგ მედიკანა სივასის საავადმყოფო დარჩება თქვენგან მარცხნივ. საზოგადოებრივი ტრანსპორტით: აეროპორტიდან მიმავალი საზოგადოებრივი ტრანსპორტი გაივლის ჩვენი საავადმყოფოს წინ.
კერძო ტრანსპორტით: საკმარისია მიყვეთ ერზინჯანის გზას. უსაფრთხოების გზაჯვარედინიდან მარცხნივ მოხვევიდან 150მ-ის შემდეგ მედიკანა სივასის საავადმყოფო დარჩება თქვენგან მარცხნივ. საზოგადოებრივი ტრანსპორტით: ტერმინალიდან მიმავალი საზოგადოებრივი ტრანსპორტი გაივლის ჩვენი საავადმყოფოს წინ.
კერძო ტრანსპორტით: ყველა ავტობუსი გაივლის ჩვენი საავადმყოფოს წინ. საზოგადოებრივი ტრანსპორტით: ათათურქის პროსპექტის მიმართულებიდან გადაადგილდით უსაფრთხოების გზაჯვარედინის მიმართულებით. აქსუს ხიდის გავლიდან 150მ-ის შემდეგ მედიკანა სივასი დარჩება თქვენგან მარჯვნივ.
საავადმყოფოში შეგიძლიათ ისარგებლოთ სადგომით 75 ავტომანქანაზე
საავადმყოფოს კაფეტერია გთავაზობთ როგორც კაფეს, ასევე კვების სერვისს.
საავადმყოფოს სალოცავი ოთახით სარგებლობა ყველა რელიგიისა და სარწმუნოების წარმომადგენელს შეუძლია.
მედიკანა სივასის შემოგარენში არის აკბანკის, დენიზბანკის, ზირაათ ბანკის, PTT, იშბანკის და სხვა ბანკების ბანკომატები.
ქვემოთ ჩამოთვლილია მედიკანა სივასის საავადმყოფოს ყველა სამედიცინო ტექნოლოგიური აღჭურვილობა და სერვისი.
Linac
ხაზოვანი ამაჩქარებელი (Linac), გამოიყენება კიბოს მკურნალობაში და ფლობს მაღალი ენერგიის რადიაციის გამომუშავების ფუნქციას. იგი მნიშვნელოვან როლს ასრულებს რადიოთერაპიულ მკურნალობაში და გულისხმობს კიბოს უჯრედების განადგურებას ან მათი გამრავლების შეჩერებას. ამ მეთოდით რადიოთერაპიის დროს რადიაცია მოქმედებს სამიზნე უჯრედებზე და მინიმალურად აზიანებს ჯანმრთელ უჯრედებს. Linac-ი, დოზის კონტროლის შესაძლებლობისა და ეფექტურობის წყალობით კიბოს სხვადასხვა სახეობის მკურნალობაში წარმატებით გამოიყენება.
1.5 ტესლა მრტ
1.5 ტესლა მრტ გამოკვლევის დროს რადიოტალღების გამოყენებით ხდება შინაგანი ორგანოების დეტალური გამოსახულების მიღება, რომლის საშუალებითაც შესაძლებელია გულ-მკერდის, მუცლის, თავის ტვინის, ფილტვების, მუხლის, გულის, მენჯის და სხვა ორგანოების დაავადებების აღმოჩენა.
ექსიმერ ლაზერი
რქოვანას ფორმის კორექტირებით მიოპიის, ჰიპერმეტროპიის და ასტიგმატიზმის მსგავსი თვალის დაავადებების სამკურნალო ლაზერული აპარატია. მისი საშუალებით შესაძლებელია თვალის დაავადებების ხანმოკლე დროში მკურნალობა და იგი პაციენტს ათავისუფლებს სათვალისა და კონტაქტური ლინზების ტარების საჭიროებისგან.
DSA ციფრული ანგიოგრაფია
DSA (ციფრული ანგიოგრაფია) სისხლძარღვების დეტალური ვიზუალიზაციისთვის გამოიყენება. მიღებული გამოსახულების საშუალებით ხდება სისხლძარღვთა დაავადებების დიაგნოსტიკა. გამოკვლევის ეს მეთოდი ეფექტურია ორგანიზმის სხვადასხვა უბანში მდებარე სისხლძარღვების შევიწროების, მალფორმაციის, ფისტულის მსგავსი დაავადებების დასადგენად.
ულტრასონოგრაფია
ულტრასონოგრაფიის დროს (US) გამოსახულების მიღება ხმოვანი ტალღების საშუალებით ხდება. ბევრი დაავადების დიაგნოსტიკა სწორედ ულტრასონოგრაფიული მოწყობილობის დახმარებით ხორციელდება. არ ახასიათებს გვერდითი მოვლენები, არ იწვევს ტკივილებს, არ შეიცავს რადიაციის რისკს, რაც პაციენტს ათავისუფლებს მავნე რადიაციული გამოსხივებისგან.
კომპიუტერული ტომოგრაფია(KT)
კომპიუტერული ტომოგრაფია(KT) გამოსახულებითი კვლევის მეთოდია, რომლის დროსაც სპეციალური რენტგენის სხივის მეშვეობით შინაგანი ორგანოების დეტალური გამოსახულების მიღება ხდება. მიღებული გამოსახულებების გაერთიანებით შესაძლებელია სისხლძარღვების, ძვლებისა და რბილი ქსოვილების შრეობრივი დათვალიერება.
მამოგრაფია
მამოგრაფია გამოკვლევის მეთოდია, რომელიც დაბალი დოზის სხივების საშუალებით სარძევე ჯირკვლის დაავადებების სადიაგნოსტიკოდ გამოიყენება. განსაკუთრებით ხშირად ძუძუს კიბოს ადრეული დიაგნოსტიკისთვის მიმართავენ.
რენტგენი
რენტგენოლოგიური გამოკვლევის დროს რენტგენის სხივების საშუალებით ხდება შინაგანი ორგანოების, ძვლებისა და რბილი ქსოვილების დათვალიერება. იგი მნიშვნელოვან როლს ასრულებს მრავალი დაავადების დიაგნოსტიკისა და მკურნალობის პროცესში.
