თირკმლის ტრანსპლანტაცია

მედიკანა ჯანდაცვის ჯგუფი უმაღლესი ხარისხის სერვისს სთავაზობს ორგანოს გადანერგვის საჭიროების მქონე პაციენტებს, ჯანდაცვის სამინისტროს მიერ სერთიფიცირებული, მედიკანა ბაჰჩელიევლერის, ჩამლიჯას, ანკარასა და სტამბულის საერთაშორისო საავადმყოფოების ორგანოების გადანერგვის განყოფილებებში
მედიკანა ჯანდაცვის ჯგუფი არის ჯანდაცვის ერთ-ერთი მნიშვნელოვანი ორგანიზაცია, რომელიც მხარს უჭერს ორგანოების დონაციასა და ტრანსპლანტაციას.

მედიკანა ბაჰჩელიევლერის, ჩამლიჯას, ანკარასა და სტამბულის საერთაშორისო საავადმყოფოები და მათი სპეციალისტები წარმატებით ახორციელებენ ორგანოთა გადანერგვის ოპერაციებს.
პაციენტებისთვის საუკეთესო ჯანდაცვის სერვისების მიწოდებისას, მათი კომფორტის უზრუნველსაყოფად ყველა დეტალი გათვალისწინებულია. რაც მოიცავს ტრანსპორტით უზრუნველყოფასა და კვებას, რომელიც შემუშავებულია ჩვენი დიეტოლოგების მიერ, სპეციალურად თირკმლის უკმარისობის მქონე პაციენტებისთვის. ჩვენ ვაკეთებთ ყველაფერს, რომ შევძლოთ თქვენი გაღიმება.

რა არის თირკმლის გადანერგვა?

თირკმელების უკმარისობა არის დაავადება, რომლის დროსაც თირკმლების ფუნქციის მოშლის გამო ორგანიზმში ხდება სითხის, შარდოვანას, კრეატინინის, შარდმჟავას და სხვა ტოქსიკური ნივთიერებების დაგროვება. ეს მდგომარეობა იწვევს ჰიპერტენზიას, გულისრევას, მუცლის ტკივილს, დაღლილობას, სისუსტეს, მადის დაკარგვას ან გულის გაჩერებას კალიუმის მაღალი დონის გამო. ასეთ დროს გამოსავალია დიალიზი, ან უფრო შორსწასულ შემთხვევებში თირკმლის ტრანსპლანტაცია.

თირკმლის დაავადების ბოლო სტადიის მქონე პაციენტებს მკურნალობის გარეშე არ აქვთ გადარჩენის შანსი. მკურნალობის ვარიანტები, დიალიზი და თირკმლის გადანერგვა უნდა იქნას განხილული და შერჩეული ექიმის, პაციენტისა და მისი ოჯახის მიერ. ხშირ შემთხვევაში დიალიზი არის გამოსავალი, თუმცა, არცერთ მოწყობილობას არ ძალუძს შეასრულოს ბუნებრივი ორგანოს ფუნქციები სრულყოფილად. აქედან გამომდინარე, თირკმლის ტრანსპლანტაციას აქვს მნიშვნელოვანი უპირატესობა როგორც სიცოცხლის შენარჩუნების, ასევე ცხოვრების ხარისხის თვალსაზრისით.

თირკმლის გადანერგვის შემდეგ პაციენტი თავისუფლდება დიეტისა და სხვა შეზღუდვებისაგან, მწყობრში დგება მათი პროფესიული და სოციალური ცხოვრება და ეძლევათ საშუალება დაზოგონ დრო, რომელსაც დიალიზზე ხარჯავდნენ. იზრდება ასევე სიცოცხლის ხანგრძლივობა. ხაზგასმით უნდა აღინიშნოს, რომ თირკმლის გადანერგვის ფინანსური დანახარჯი დიალიზთან შედარებით ბევრად ნაკლებია. თუ მდგომარეობა იძლევა საშუალებას, საუკეთესო ვარიანტია ტრანსპლანტაციის ჩატარება ფისტულის გახსნამდე და დიალიზის დაწყებამდე.

თირკმლის ტრანსპლანტაციის ოპერაცია გულისხმობს ჯანსაღი ორგანოს გადანერგვას თირკმელების დაავადების ბოლო სტადიის მქონე პაციენტის ორგანიზმში. თირკმლის გადანერგვისთვის ჯანმრთელი ორგანო მიიღება გვამისგან ან ცოცხალი დონორისგან. ცოცხალი დონორისგან თირკმლის ტრანსპლანტაცია ჩვენს ქვეყანაში თირკმლის გადანერგვის საერთო რაოდენობის მნიშვნელოვან ნაწილს შეადგენს, რომელიც უკეთესი შედეგებით ხასიათდება, ვიდრე გვამური დონაცია. თუმცა იმისთვის, რომ უფრო მეტი პაციენტის განკურნება შევძლოთ, უნდა გაიზარდოს გვამური ორგანოების შემოწირულობების რაოდენობა.

როგორ ტარდება თირკმლის გადანერგვა?

თირკმლის ტრანსპლანტაცია გულისხმობს გვამური ან ცოცხალი დონორისგან რეციპიენტზე ჯანმრთელი ორგანოს გადანერგვას. ჩვენს ქვეყანაში ცოცხალი დონაცია თირკმლის ტრანსპლანტაციის ყველაზე გავრცელებული სახეობაა, რომელიც ჩვენს საავადმყოფოებში ტარდება დახურული (ლაპაროსკოპიული) მეთოდით. ამ მეთოდით ჩატარებულ ოპერაციებში ქირურგიული ჭრილობის სიმცირის გამო, პოსტოპერაციული ტკივილი და მსგავსი ჩივილებიც ძალზე იშვიათია. ასევე იშვიათია ჭრილობასთან დაკავშირებული გართულებები.

ოპერაციის დროს რეციპიენტის საზარდულის არეში კეთდება მცირე განაკვეთი რათა პროცედურისთვის მოამზადონ არტერიები და ვენები. თირკმლის სისხლძარღვების ამ სისხლძარღვებთან დაკავშირებით უზრუნველყოფენ თირკმლის სისხლით მომარაგებას. ოპერაცია სრულდება შესაბამისი ქირურგიული ტექნიკით საშარდე გზების შარდის ბუშტთან დაკავშირების შემდეგ.

რა დროს უნდა ჩატარდეს თირკმლის ტრანსპლანტაცია?

როდესაც ხდება თირკმლის ფუნქციის მკვეთრი მოშლა და იგი ვერ ასრულებს თავისი ფუნქციების 15%-ზე მეტს, მიმართავენ დიალიზს ან თირკმლის გადანერგვას. მართალია დიალიზური მკურნალობა პაციენტებს სიცოცხლეს უნარჩუნებს, თუმცა დროთა განმავლობაში მას მოყვება სხვადასხვა გართულება. პირველ რიგში ზიანდება ვენები. ამიტომ, დიალიზის დაწყებამდე თირკმლის ტრანსპლანტაცია ადამიანის ჯანმრთელობის კუთხით საუკეთესო ვარიანტია. თირკმლის ტრანსპლანტაციის ჩატარება მიზანშეწონილია ყველა პაციენტისთვის, რომლებსაც არ გააჩნიათ ამ პროცედურის უკუჩვენება.

რა შემთხვევაში არის უკუნაჩვენები თირკმლის გადანერგვა?

პაციენტების რიცხვი, ვისთვისაც თირკმლის გადანერგვა უკუნაჩვენებია, ძალიან დაბალია. მწვავე ინფექციის მქონე პაციენტებისთვის ტრანსპლანტაცია არ არის ნაჩვენები. ამ შემთხვევაში ოპერაცია ტარდება შესაბამისი მკურნალობის დასრულების შემდეგ. ონკოლოგიური პაციენტების შემთხვევაში, მკურნალობის შემდეგ უნდა გამოირიცხოს მეტასტაზების არსებობა. ტრანსპლანტაცია არ არის რეკომენდებული დონორთან სისხლის ჯგუფის შეუთავსებლობის მქონე პაციენტებისთვის, რადგან გადანერგილი თირკმელი უარყოფილი იქნება ორგანიზმის მიერ.

ხანდაზმული ასაკი არის ფაქტორი, რომელიც გასათვალისწინებელია თირკმლის ტრანსპლანტაციის ჩატარებამდე, თუმცა მხოლოდ ასაკი არ წარმოადგენს უკუჩვენებას. პაციენტის ბიოლოგიური ასაკი, ზოგადი ჯანმრთელობის მდგომარეობა და სხვა ორგანოების ფუნქციონირება უნდა შეფასდეს კომპლექსურად.

რა არის თირკმლის გადანერგვის სარგებელი?

დიალიზით შესაძლებელია ჯანსაღი თირკმლის ფუნქციების მხოლოდ 10%-ის ჩანაცვლება. თირკმლის წარმატებულ ტრანსპლანტაციას კი შეუძლია ჯანმრთელი ადამიანის თირკმლის ფუნქციის 70-დან 80%-მდე აღდგენა.

გააჩნია თუ არა უპირატესობები თირკმლის ტრანსპლანტაციას დიალიზთან შედარებით?

მას ბევრი მნიშვნელოვანი უპირატესობა გააჩნია. პაციენტთა უმრავლესობა ოპერაციიდან 1-2 კვირაში უბრუნდება ყოველდღიურ პროფესიულ და სოციალურ ცხოვრებას. დიალიზური მკურნალობისგან განსხვავებით, მათ არ უწევთ კვირაში სამჯერ 3-4 საათის საავადმყოფოში გატარება.

რამდენია სიცოცხლის ხანგრძლივობა თირკმლის ტრანსპლანტაციის შემდეგ?

თირკმლის გადანერგვის შემდეგ სიცოცხლის ხანგრძლივობა გაცილებით მეტია, ვიდრე დიალიზით მკურნალობისას. ჩვენი თირკმლის ტრანსპლანტაციის ცენტრის წარმატების მაჩვენებელი 99%-ია.

თირკმელების გადანერგვის შემდეგ პაციენტების ცხოვრების ხარისხი ჯანმრთელი ადამიანისას უტოლდება. რასაც ვერ ვიტყვით დიალიზის პაციენტებზე. მათ უწევთ მრავალი შეზღუდვით ცხოვრება, მათ შორის კვებასთან და სითხის მიღებასთან დაკავშირებით. დროთა განმავლობაში კი უვითარდებათ ანემია, გულსისხლძარღვთა დაავადებები, სხვადასხვა ინფექციები და ა.შ. ამ მიზეზების და იმის გამო, რომ ისინი დროის მნიშვნელოვან ნაწილს დიალიზის ცენტრებში ატარებენ, მათ არ აქვთ შანსი იცხოვრონ ჯანმრთელი ადამიანის ცხოვრებით.

პაციენტები, რომლებსაც ჩაუტარდათ თირკმლის გადანერგვის ოპერაცია, დიალიზის მკურნალობაში გატარებული დროის დაზოგვისა და ფსიქოლოგიური და ფიზიკური ჯანმრთელობის წყალობით უბრუნდებიან ნორმალურ პროფესიულ და სოციალურ ცხოვრებას.

ვის შეუძლია თირკმელების დონაცია?

ჯანდაცვის სამინისტროს მიერ დადგენილი საკოორდინაციო სისტემის წესები მოქმედებს ყველა გვამურ დონაციაზე. ორგანოთა გადანერგვის ცენტრებში რეგისტრირებული პაციენტების სიები ხელმისაწვდომია კოორდინაციის სისტემის ცენტრს სამინისტრო ცენტრს უგზავნის თირკმლის ტრანსპლანტაციისთვის შესაფერისი პაციენტების სიას. ორგანოს გადანერგვა ხდება სიაში გაწერილი თანმიმდევრობით.

ცოცხალი დონორის შემთხვევაში პაციენტს უწევს ნაკლები ლოდინი. ჩვენი ქვეყნის მოქმედი კანონების მიხედვით, ორგანოების გაცემა შეუძლიათ პაციენტის მაქსიმუმ მეოთხე რიგის ნათესავებს. დონაცია შეიძლება განხორციელდეს არანათესავი დონორისგანაც. თუმცა, ასეთ შემთხვევაში საჭიროა ეთიკის კომიტეტის გადაწყვეტილება. პირი უნდა იყოს 18 წელზე უფროსი ასაკის. ამავე დროს არ არსებობს კონკრეტული ზედა ასაკობრივი ზღვარი. გადაწყვეტილება ეფუძნება გამოკვლევებსა და ანალიზებს,რათა დადგინდეს, შესაძლებელია თუ არა ორგანოს მიღება კონკრეტული დონორობის კანდიდატისგან.

შეუძლიათ თუ არა მოხუცებს ორგანოების ან ქსოვილების დონაცია?

უდავოა, რომ ასაკი მნიშვნელოვანი ფაქტორია, მაგრამ ყოველი შემთხვევა უნდა შეფასდეს ინდივიდუალურად. საჭიროა დონორის გულის, თირკმელების, ფილტვების და სხვა სისტემების გამოკვლევა. ამ გზით ჯანმრთელი ხანდაზმული დონორებისგან თირკმლის ტრანსპლანტაცია წარმატებით შეიძლება განხორციელდეს. თირკმლის ტრანსპლანტაციაში საჭიროა ABO რეზუს თავსებადობა. ქვემოთ მოცემულია ცხრილი.

ვის არ შეუძლია თირკმელების დონაცია?

კიბოს, მწვავე ინფექციის, დიაბეტის, თირკმელების დაავადების ან სხვა ორგანოების უკმარისობის მქონე პაციენტებს და ორსულ ქალებს არ შეუძლიათ თირკმელების დონაცია. ჰიპერტონიის მქონე პაციენტებისთვის გადაწყვეტილება უნდა იქნას მიღებული ყველა საჭირო გამოკვლევის ჩატარების შემდეგ.

ცოცხალი დონაცია: ცოცხალი დონორის თირკმლის ტრანსპლანტაცია ჩვენს ქვეყანაში თირკმლის გადანერგვის საერთო რაოდენობის მნიშვნელოვან ნაწილს შეადგენს. ვინაიდან არ არის საკმარისი გვამური ორგანოების შემოწირულობა, ლოდინის პერიოდი ხშირად ძალიან დიდია. ამიტომ პაციენტებს ესაჭიროებათ დიალიზით ხანგრძლივი მკურნალობა.

თირკმლის ქრონიკული დაავადების ბოლო სტადიის მქონე პაციენტებში უნდა დაიწყოს დიალიზით მკურნალობა ან ჩაუტარდეთ თირკმლის გადანერგვის ოპერაცია. თირკმლის ტრანსპლანტაცია საუკეთესო მეთოდია ცხოვრების ხარისხის, ხანგრძლივობის და მკურნალობის ხარჯების თვალსაზრისით. აქედან გამომდინარე, ექიმისთვის ყველაზე ეთიკური და სწორი გადაწყვეტილება არის თავდაპირველად რეკომენდაცია გაუწიოს თირკმლის გადანერგვას. საუკეთესო ვარიანტია, თუ პაციენტს ჰყავს დონორი, რომელიც აკმაყოფილებს ზემოთ აღნიშნულ ლეგალურ და სამედიცინო პირობებს, რადგან მათ ლოდინის გარეშე ჩაუტარდებათ ოპერაცია.

არის თუ არა ტრანსპლანტაცია მიზანშეწონილი ჰეპატიტის მქონე პაციენტებისთვის?

ჰეპატიტის მქონე პაციენტებს უნდა ჩაუტარდეთ ციროზისა და ქრონიკული ჰეპატიტის დეტალური გამოკვლევები. ამ დაავადებების გამორიცხვის შემთხვევაში გადანერგვის ჩატარება შესაძლებელია. B ჰეპატიტის მკურნალობა შესაძლებელია გაგრძელდეს ტრანსპლანტაციის შემდეგ. C ჰეპატიტის მქონე პაციენტებში მედიკამენტური მკურნალობის გაგრძელება აკრძაძულია, რადგან ამან შეიძლება გამოიწვიოს თირკმლის დაკარგვა. ამიტომ თუ C ჰეპატიტით დაავადებულ პაციენტს ესაჭიროება მკურნალობა, ტრანსპლანტაციის ჩატარება რეკომენდებულია მკურნალობის დასრულების შემდეგ. ჰეპატიტის მქონე პაციენტებმა კონსულტაცია უნდა გაიარონ ჰეპატოლოგთან.

არის თუ არა ტრანსპლანტაცია მიზანშეწონილი დიაბეტის მქონე პაციენტებისთვის?

დიაბეტით დაავადებულ პაციენტებს ასევე შეუძლიათ მიმართონ თირკმლის გადანერგვის პროცედურას. ბოლო დროს, შაქრიანი დიაბეტი თირკმლის უკმარისობის ერთ-ერთი ყველაზე გავრცელებული მიზეზია. შესაბამისად დიაბეტით დაავადებულ ბევრ პაციენტს უტარდება თირკმლის ტრანსპლანტაცია. ოპერაციის შემდეგ ისინი უნდა იმყოფებოდნენ ინტენსიური დაკვირვების ქვეშ.