სერვისები

ონკოლოგიური განყოფილება

მედიკანა ანკარას საერთაშორისო საავადმყოფო, სადაც ტარდება კიბოს უახლესი ტექნოლოგიებით მკურნალობა, პასუხობს ამ სფეროში ანკარისა და მისი შემოგარენის უდიდეს მოთხოვნას. ანკარას ჯანდაცვის კერძო სექტორში პირველად მედიკანა ანკარას საერთაშორისო საავადმყოფოში გამოყენებულმა სამედიცინო დანადგარებმა და მეთოდებმა, როგორიცაა Multi-Slice CT, PET-CT,MRT,ულტრასონოგრაფია, LINAC, ბირთვული მედიცინა, რადიოლოგიური გამოკვლევის მეთოდები და რადიაცილი ონკოლოგია, იგი კიბოს მკურნალობის ცენტრად აქცია.

ბირთვული მედიცინის განყოფილებაში უახლესი ტექნოლოგიური დანადგარის, PET-CT-ს წყალობით შესაძლებელია კიბოს უჯრედებისა და მათი გავრცელების დადგენა, მკურნალობის მხოლოდ პათოლოგიური უჯრედებისკენ მიმართვა და ჯანმრთელი უჯრედების დაზიანების თავიდან აცილება.

ძვლის ტვინის ცენტრი

ძვლის ტვინის გადანერგვის ცენტრი 2012წლის თებერვლიდან დღემდე, თურქეთის ქალაქებიდან და მსოფლიოს სხვადასხვა ქვეყნიდან ჩამოსულ პაციენტებს აძლევს ახალი სიცოცხლის შანსს. 2017წლის ნოემბრის შემდეგ წარმატებით განხორციელდა ძვლის ტვინის გადანერგვის 1000ზე მეტი პროცედურა.თითოეული მათგანი ჩატარდა საერთაშორისო სტანდარტებით ამ სფეროში პროფესიონალი სამედიცინო გუნდის მიერ. ჩვენი მიზანია ძვლის ტვინის გადანერგვის საჭიროების მქონე პაციენტებს ვაჩუქოთ მეორე სიცოცხლის შანსი.

ორგანოთა გადანერგვის ცენტრი

მედიკანა ანკარას საერთაშორისო საავადმყოფოში თანამედროვე ტექნოლოგიებით წარმატებით ხორციელდება ორგანოთა გადანერგვის პროცედურა. ცენტრი საავადმყოფოს დაარსებიდან მცირე დროის გასვლის შემდეგ 2009წლის ოქტომბრის თვეში დაარსდა და ღვიძლისა და თირკმლის გადანერგვის ოპერაციები, ამ სფეროში სპეციალიზებული ქირურგების მიერ ნეფროლოგებთან, გასტროენტეროლოგებთან, ინფექციური დაავადებების სპეციალისტებთან, ფსიქიატრებთან, დიეტოლოგებთან და გამოცდილ სამედიცინო პერსონალთან ერთობლივად ტარდება. მედიკანა ანკარას ორგანოთა გადანერგვის ცენტრი როგორც ანკარასა და მისი შემოგარენიდან, ასევე მსოფლიოს სხვადასხვა კუთხიდან ჩამოსულ პაციენტებს ემსახურება.

კარდიოლოგიის ცენტრი

პროფესიონალი კარდიოლოგების მიერ გულისა და სარქვლების დაავადებების მკურნალობა, სარქველების უკმარისობის, მიტრალური ხვრელის შევიწროვების, ვალვულოპლასტიკის(მიტრალური სარქვლის გაფართოების პროცედურა), არითმიების, კორონარული პროცედურების(არაოპერაციული მეთოდით საზარდულის, ხელის, მაჯის არტერიებში შესვლით კორონარული სისხლძარღვების გაფართოების პროცედურები, ანგიოპლასტიკა-სტენტი და სხვ.) EPS, აბლაციის, კორონარული არტერიების დაავადებების, აორტის სარქვლის არაოპერაციული გამოცვლის პროცედურები (TAVİ) მეთოდებით ხორციელდება და მიზნად ისახავს პაციენტის ჯანმრთელობის აღდგენას.

სიმსუქნის ცენტრი

ცხოვრების სტილისა და არასწორი კვებითი ჩვევების შედეგად სიმსუქნით დაავადებული ადამიანების რიცხვი დღითი-დღე იზრდება, რაც სოციალური ცხოვრების გაუარესებასთან ერთად მეორე ტიპის დიაბეტის, ჰიპერტენზიის, გულ-სისხლძარღვთა დაავადებების, კიბოს, უშვილობის, დეპრესიის და ჯანმრთელობის ბევრი სხვა პრობლემის სათავეა.

ჩვენი სიმსუქნის ცენტრის ჯანსაღი ცხოვრების პროგრამაში, რომელიც დაარსდა სიმსუქნის ეფექტური მკურნალობისთვის, შეიძლება ჩაერთოს ყველა, ვისი სხეულის მასის ინდექსიც 30ზე მეტია.

სიმსუქნის ცენტრში, პაციენტის ჯანმრთელობის პრობლემების გადაჭრასთან ერთად, მათ სიმსუქნესთან და ჯანსაღი ცხოვრების წესთან დაკავშირებით ტრენინგებიც უტარდებათ.

ბინაზე მოვლის სერვისები

ჩვენი პროფესიონალთა გუნდი, პაციენტებს მათთვის საჭირო სამედიცინო სერვისებს ბინაზეც სთავაზობენ.

ექიმის კონსულტაცია,ექთნის მომსახურება, check-up, ფიზიოთერაპია, გულ-სისხლძარღვთა და სხვა ოპერაციების შემდგომი მოვლა, ხანდაზმული პაციენტების მოვლა, მშობიარობის შემდეგ დედა-შვილის მოვლა, ძუძუს წოვების ინსტრუქცია, ჭრილობის და ნაწოლების მოვლა, გადასხმისა და აცრის პროცედურები და ჭრილობის მოვლა, ყველა სახის ანალიზი, ეკგ და ბევრი სხვა სერვისით მედიკანა პაციენტების სამსახურშია.

კიბერ დანა

კიბერ დანის რადიოქირურგიული ტექნოლოგია შემუშავებულია სიმსივნის 1მმ-ზე ნაკლები სიზუსტით მკურნალობისთვის და მსოფლიოში პირველი და ერთადერთი რობოტული რადიოქირურგიული სისტემაა. ამ სისტემის წყალობით შესაძლებელია რადიაციული სხივების ფოკუსურად გამოყენება, სიმსივნური ქსოვილების მაღალი დოზებით მკურნალობა და ამავე დროს ჯანმრთელი ქსოვილების მაქსიმალურად დაცვა.

ინ-ვიტრო განაყოფიერების ცენტრი

ინ ვიტრო განაყოფიერების ცენტრი, უშვილობის მკურნალობის სფეროში გამოცდილი ექიმების, სამედიცინო პერსონალის, უახლესი მეთოდებითა და ტექნოლოგიური ინფრასტრუქტურით მაღალი ხარისხის მომსახურებას სთავაზობს პაციენტებს და უამრავ წარმატებას აღწევს. ინ-ვიტრო განყოფილება დაკომპლექტებულია გამოცდილი მეან-გინეკოლოგებით, ანდროლოგებით, ემბრიოლოგებით, ბიოლოგებითა და ექთნებით.

კლინიკური ლაბორატორია

მაღალი შესაძლებლობების ლაბორატორიებში, მცოდნე და განვითარების მიმდევარ კლინიცისტსა და პაციენტს შორის შექმნილი დინამიური სერვისის სამკუთხედის წყალობით, უზრუნველყოფილია ეფექტური და ხარისხიანი ჯანდაცვის სერვისები.

მედიკანა ანკარას საერთაშორისო საავადმყოფოს კლინიკურ ლაბორატორიებს გათავისებული აქვს სამკუთხედში მასზე დაკისრებული მოვალეობა. მაღალი სტანდარტების უზრუნველსაყოფად და მომსახურების ხარისხის გაზრდის მიზნით კლინიკური ლაბორატორიის მონიტორინგი მიმდინარეობს ყოველთვიურად, ხარისხის კონტროლის პროგრამის ხარისხის მაჩვენებლების შესაბამისად.

ეს სამუშაო პროცესები უზრუნველყოფს კლინიკური ლაბორატორიის მუშაობის სიზუსტეს, ასევე ანალიზის წინა და ანალიზის შემდგომი პროცესების მონიტორინგს. რეგულარულად ტარდება ასევე ლაბორატორიის პერსონალის გადამზადება.

კლინიკური ლაბორატორიები უზრუნველყოფენ 24საათიან უწყვეტ მომსახურებას გამოცდილებით, გუნდური მუშაობის პრინციპით, ადამიანის უფლებების პატივისცემით და ტოლერანტული პერსონალით.

*ბიოქიმიური ლაბორატორია

*მიკრობიოლოგიური ლაბორატორია

* ჰემატოლოგიური ლაბორატორია

* იმუნოლოგიური ლაბორატორია

* სეროლოგიური ლაბორატორია

ინტენსიური თერაპიის განყოფილებები

ჩვენს საავადმყოფოში 17თერაპიული და ქირურგიული, 9კარდიოვასკულარული, 5კორონარული და ახალშობილთა 10 ინტენსიური თერაპიის განყოფილება მდებარეობს, რომელიც მოიცავს ასევე ინკუბატორებს ახალშობილთათვის.

ინტენსიური თერაპიის განყოფილებებში არის ასევე პაციენტის ახლობლებისთვის მოსაცდელი/საინფორმაციო და ახალბედა დედებისთვის საკონსულტაციო სივრცე.

ბავშვთა სპეციალიზებული კლინიკა

,,ბავშვის მეგობარი საავადმყოფო’’-ს სტატუსის მქონე მედიკანა ანკარას საერთაშორისო საავადმყოფო, ყველა ასაკობრივი ჯგუფისთვის სპეციალურად შემუშავებული კონცეფციით, არქიტექტურით და პროფესიონალთა გუნდით ემსახურება პაციენტებს.

ბავშვთა კლინიკა მოიცავს ბავშვთა ალერგოლოგიულ, ქირურგიულ, ენდოკრინოლოგიურ, გასტროენტეროლოგიურ, ბავშვთა განვითარების, ჰემატოლოგიურ, ონკოლოგიურ, კარდიოლოგიურ, ნეფროლოგიურ, რევმატოლოგიურ განყოფილებებს.

განყოფილება როგორც ამბულატორიული, ასევე სტაციონარული პაციენტებისთვის დაპროექტებულია სპეციალური დიზანით და მოწყობილია სათამაშო სივრცეები.

მრავალფუნქციური გადაუდებელი დახმარების სერვისი

მედიკანა ანკარას საერთაშორისო საავადმყოფოს გადაუდებელი დახმარების განყოფილება ემსახურება როგორც ამბულატორიულ, ასევე სტაციონარულ პაციენტებს. სასწრაფო დახმარების განყოფილება მოიცავს დეკონტამინაციას, რეანიმაციას,გადაუდებელ დახმარებას, რადიოლოგიურ გამოკვლევას, დაკვირვების ოთახებს,საოპერაციო ოთახს, 1იზოლირებულ პალატას და 10სადამკვირვებლო საწოლს.

საერთაშორისო პაციენტებისთვის UHM ოფისი

მედიკანა ანკარას საერთაშორისო საავადმყოფო ტექნოლოგიური ინფრასტრუქტურით, პროფესიონალთა გუნდით და თანამედროვე შენობით მიზნად ისახავს იყოს არა მხოლოდ ანკარასა და ახლომდებარე რაიონების, არამედ ახლო აღმოსავლეთის, ბალკანეთის და კავკასიის განვითარებულ სამედიცინო დაწესებულებებს შორის.

უმაღლესი ხარისხის მომსახურებით დადებით გავლენას ახდენს ანკარას სამედიცინო ტურიზმზეც,ს სადაც განსაკუთრებით წინა პლანზეა კარდიოლოგია,ზოგადი ქირურგია, ნეიროქირურგია, გულსისხლძარღვთა ქირურგია, ინ-ვიტრო განაყოფიერება, ქსოვილების გადანერგვა, ოფთალმოლოგია, სტომატოლოგია, პლასტიკური ქირურგია და კოსმეტოლოგია.

საავადმყოფოში პაციენტს შეუძლია ისარგებლოს ინგლისურ, რუსულ, არაბულ, ქურთულ და სომალურ ენოვანი თარჯიმნების მომსახურებით.