სერვისები

ორგანოთა გადანერგვის ცენტრი და ნეფროლოგია

მედიკანა ბაჰჩელიევლერის საავადმყოფოში დაარსების დღიდან აქტიურად მუშაობს ნეფროლოგიური განყოფილება და პროფესიონალთა გუნდის მიერ ტარდება თირკმლის გადანერგვის პროცედურა. დღეის მდგომარეობით ჩატარებული გვაქვს თირკმლის გადანერგვის 1000ზე მეტი წარმატებული ოპერაცია. ბაჰჩელიევლერის საავადმყოფოში არსებობს მხოლოდ თირკმლის გადანერგვისთვის განკუთვნილი დამოუკიდებელი კლინიკა და პოლიკლინიკა, სადაც სამედიცინო პროცედურები ტარდება საავადმყოფოსგან იზოლირებულად.

გულ-სისხლძარღვთა ქირურგია

ბაჰჩელიევლერის საავადმყოფოში გულისა და სისხლძარღვების ყველა ტიპის ოპერაცია როგორც დახურული, ასევე ღია მეთოდით პროფესიონალთა გუნდის მიერ ხორციელდება. წარმატებით ტარდება ახალშობილთა და ბავშვთა კარდიოქირურგიული ოპერაციები. თანდაყოლილი გულის ანომალიებისა და დაავადებების მკურნალობაში მიღწეული წარმატება, გამოყენებული ტექნიკები და აღჭურვილობა უტოლდება საერთაშორისო სტანდარტებს.

კარდიოლოგიის ცენტრი

სპეციალისტთა გუნდის მიერ გულისა და პერიფერიული სისხლძარღვების ანგიოგრაფიასთან ერთად, საჭიროების შემთხვევაში ტარდება კორონარული ბალონირებისა და სტენტირების პროცედურებიც. წარმატებით ტარდება გულის დახურული ოპერაციები. გულის უკმარისობის, ჰიპერტენზიის, ქოლესტერინის პრობლემების და გულსისხლძარღვთა სხვა შესაძლო დაავადების მკურნალობა დიდი ყურადღებით ხორციელდება და აღირიცხება პაციენტთა სარეგისტრაციო სისტემაში.

ღვიძლის, სანაღვლე გზებისა და პანკრეასის ქირურგიული განყოფილება (ჰეპატობილიარული ქირურგია)

ღვიძლის, პანკრეასისა და სანაღვლე გზების ქირურგია(ჰეპატო-პანკრეატო-ბილიალური, ჰეპატობილიარული, HPB ქირურგია),ზოგად ქირურგიაში განათლების დასრულების შემდეგ ღვიძლის, სანაღვლე გზების და პანკრეასის ქირურგიის სფეროში სპეციალიზებული ექიმებით დაკომპლექტებული სამედიცინო განყოფილებაა. HPB ქირურგების დიდი ნაწილი გადამზადების შემდეგ ღვიძლის ტრანსპლანტაციის ოპერაციასაც წარმატებით ახორციელებს.

HPB ქირურგიაში დიაგნოსტიკა და მკურნალობა, გასტროენტეროლოგია-ჰეპატოლოგიის, ანესთეზიის, ინტენსიური თერაპიის, რადიოლოგიის, ინტერვენციული რადიოლოგიის, კუჭ-ნაწლავის ენდოსკოპიის, პათოლოგიის, სამედიცინო და რადიაციული ონკოლოგიის, ბირთვული მედიცინის, მიკროქირურგია/პლასტიკური ქორურგიის, მიკრობიოლოგიისა და ინფექციური დაავადებების განყოფილებებთან კოლაბორაციით წარმატებით ხორციელდება.მედიკანა ჯანდაცვის ჯგუფის გადაწყვეტილებით, სტამბულის უნივერსიტეტის ჩაპას სამედიცინო ფაკულტეტთან გაფორმებული ხელშეკრულების ფარგლებში, სანაღვლე გზების, პანკრეასის ქირურგიის და ღვიძლის გადანერგვის სფეროში პროფ. დოქ. ა. ჯემ იბიშის ხელმძღვანელობით დაარსდა HPB ქირურგიის განყოფილება.

ამ განყოფილების დაარსების მიზანია ღვიძლის, სანაღვლე გზების და პანკრეასის დაავადებების დიაგნოსტიკასა და მკურნალობაში პაციენტზე სწორი, სანდო, და უმაღლესი ხარისხის სერვისების მიწოდება.

ინ-ვიტრო კლინიკა

ინ-ვიტრო ცენტრი გამოცდილი ექიმებითა და უახლესი ტექნოლოგიური ინფრასტრუქტურით პაციენტებს უმაღლესი ხარისხის სერვისს სთავაზობს. ინ ვიტრო განყოფილებაში დასაქმებულნი არიან გამოცდილი გინეკოლოგები, ანდროლოგები, ემბრიოლოგები, ბიოლოგები, ექთნები და დამხმარე რეპროდუქციული სისტემის სფეროს უახლესი ტექნოლოგიები და მკურნალობის მეთოდები გამოიყენება,.

გასტროენტეროლოგია

ბაჰჩელიევლერის საავადმყოფოს გასტროენტეროლოგიურ განყოფილებაში აკადემიური, გამოცდილი და პროფესიონალი სამედიცინო გუნდის მერ ყოველწლიურად ათასობით ენდოსკოპიურ და კოლონოსკოპიურ პროცედურებთან ერთად ტარდება სანაღვლე გზების კენჭების მკურნალობა ERCP ტექნიკით. პაციენტების აღრიცხვის სისტემის საშუალებით შესაძლებელია ექიმთან ვიზიტისა და სამედიცინო პროცედურების რამოდენიმე თვით ადრე დაგეგმვა. განყოფილებაში პანკრეასის კიბოთი გამოწვეული ობსტრუქციების დროს მიმართავენ სტენტირებას და სხვა თანამედროვე ტექნოლოგიურ პროცედურებს.

პლასტიკური ქირურგია

პაციენტის კმაყოფილებაზე ორიენტირებული გამოცდილი პლასტიკური და ესთეტიკური ქირურგების გუნდის მიერ ყველა ტიპის ესთეტიკური და რეკონსტრუქციული ოპერაცია თანამედროვე ტექნიკებით ხორციელდება. მათ შორის არის რინოპლასტიკა, სახის ლიფტინგი, მუცლის ლიფტინგი, მკერდის გადიდება/დაპატარავება/აწევა, თეძოს ესთეტიკა, შემავსებლის/ბოტოქსის პროცედურები და სხვა.

უროლოგია

ჩვენი საავადმყოფოს უროლოგიური განყოფილება დაკომპლექტებულია აკადემიური პერსონალით და მიზნად ისახავს იყოს ერთ-ერთი, ევროპული ნაწილის წამყვან უროლოგიურ განყოფილებებს შორის, სადაც ტარდება ყველა სახის უროლოგიური ოპერაცია როგორც ღია, ასევე დახურული მეთოდით, მათ შორის თირკმლის და სხვა უროლოგიური სიმსივნეების დროს. პროსტატის დაავადებების სამკურნალოდ წარმატებით გამოიყენება HOLEP მეთოდი. ბაჰჩელიევლერის საავადმყოფოში ხელმისაწვდომია ESWL (ქვის დამშლელი) სისტემა, რომლის საშუალებითაც უმტკივნეულოდ ხდება თირკმელში ქვების დაშლა. თირკმლის კენჭების დასაშლელად გამოიყენება ასევე ლაზერული მეთოდი.

მეან-გინეკოლოგიური განყოფილება

ჩვენი გინეკოლოგები და მეან-გინეკოლოგები წარმატებით ატარებენ ყველა სახის გინეკოლოგიურ ოპერაციას, მათ შორის გინეკოლოგიური სიმსივნეების დროს. პროფესიონალთა გუნდის მიერ მიმდინარეობს როგორც ორსულობის პერიოდზე დაკვირვება და სამშობიარო პროცესის მართვა, ასევე ტარდება საკეისრო კვეთა. მეან-გინეკოლოგიურ განყოფილებაში არის ახალშობილთა პალატები და ინტენსიური განყოფილება. დაბალი წონის ჩვილების პოსტნატალური მეთვალყურეობა ხორციელდება სპეციალურ განყოფილებაში პედიატრიული გუნდის მიერ.

პედიატრიული განყოფილება

პედიატრიულ განყოფილებაში პროფესიონალთა გუნდის მიერ ხორციელდება ბავშვთა დაავადებების მკურნალობა, რომლის დროსაც არანაკლებ მნიშვნელოვანია მშობლებისთვის შესაბამისი ინსტრუქციების მიცემა და ბავშვებთან სწორი ურთიერთობა. ბავშვთა დაავადებების დიაგნოსტიკასა და მკურნალობაში გამოიყენება ყველა სახის რადიოლოგიური და ლაბორატორიული მეთოდი და ბავშვთა პოლიკლინიკითა და ახალშობილთა ინტენსიური თერაპიის განყოფილებით 24საათის განმავლობაში ემსახურება პაციენტებს.

ბავშვთა ენდოკრინოლოგია

ბავშვთა ენდოკრინოლოგია მედიცინის სპეციფიური დარგია, სადაც ბავშვთა თანდაყოლილი და შეძენილი დაავადებების დიაგნოსტიკა და მკურნალობა ხორციელდება თანამედროვე გაიდლაინების მიხედვით.

ზოგადი ქირურგია

ზოგადი ქირურგიის განყოფილების ექიმების მიერ ღია და დახურული ქირურგიული ოპერაციები ტარდება კვირაში 7დღე, 24საათის განმავლობაში. შინაგან ორგანოებთან დაკავშირებული ყველა ქირურგიული, მათ შორის ლოკალური ანესთეზიით ჩატარებული უმცირესი ჩარევა, ტარდება თითოეული პაციენტისთვის ინდივიდუალური ტექნიკით. ლაპარასკოპიულ ქირურგიაში გამოყენებული ტექნოლოგიები და წარმატების მაჩვენებელი უტოლდება საერთაშორისო სტანდარტებს.

ორთოპედია და ტრავმატოლოგია

ორთოპედიული განყოფილება დაკომპლექტებულია მსოფლიო ომში დაშავებულების მკურნალობაში მონაწილე და ქირურგიულ პროცედურებში დიდი გამოცდილების მქონე პროფესიონალთა გუნდით, რომლებიც ტრავმით გამოწვეული მოტეხილობის, ამოვარდნილობისა და ჭრილობების მკურნალობასთან ერთად თანამედროვე მიდგომებით მკურნალობენ თანდაყოლილ ან შეძენილ ორთოპედიულ პრობლემებს.

თავისა და ზურგის ტვინის ქირურგია

თავისა და ზურგის ტვინის ქირურგია მედიცინის განსაკუთრებული დარგია, რადგან ამ ორგანოებთან დაკავშირებული პრობლემები მნიშვნელოვან გავლენას ახდენს ადამიანის ცხოვრებაზე. ნევროლოგების და ნეიროქირურგების მიერ თავისა და ზურგის ტვინის დაავადებების დიაგნოსტიკასა და მკურნალობაში თანამედროვე ტექნოლოგიები და რადიოლოგიური გამოკვლევები გამოიყენება. თავისა და ზურგის ტვინის ოპერაციები ნავიგაციის, რადიო-სიხშირის და ლაზერული ტექნიკების გამოყენებით მინიმალური ინვაზიით ტარდება.

ფიზიოთერაპია და რეაბილიტაცია

ფიზიოთერაპიულ განყოფილებაში პროფესიონალი ექიმების მიერ ტარდება ბავშვთა და მოზრდილთა ფიზიოთერაპიული და რეაბილიტაციური პროცედურები. იგი მულტიდისციპლინური მიდგომით ერთობლივად მუშაობს ნეიროქირურგიულ, ნევროლოგიურ და ორთოპედიულ განყოფილებებთან. ბავშვთა თანდაყოლილი პათოლოგიების დროს ფიზიკური რეაბილიტაციისა და მაღალი კომუნიკაციის მკურნალობის პროგრამის კომპლექსურად გამოყენება ჩვენი ერთ-ერთი ძირითადი პრინციპია.

ჰემოდიალიზი

19 საწოლიანი დიალიზის განყოფილება, ექიმების და დიალიზის სპეციალისტებით ყოველ დღე ემსახურება პაციენტებს არა მხოლოდ სტანდარტული გრაფიკით, არამედ ღამის საათებში, შაბათ-კვირას და ოფიციალური დასვენების დღეებში. გარდა ამისა დიალიზის განყოფილება ზრუნავს პაციენტების ცხოვრების გაუმჯობესებაზე. იგი მჭიდრო კავშირშია ორგანოთა გადანერგვის განყოფილებასთან და უზრუნველყოფს ფაციენტების ინფორმირებას თირკმლის გადანერგვის პროცედურის შესახებ.

საავიაციო სამედიცინო ცენტრი

მედიკანა ბაჰჩელიევლერის საავადმყოფოში მდებარე საავიაციო სამედიცინო ცენტრი 07.02.2014 წელს სამოქალაქო ავიაციის დირექტორატის მიერ დაარსდა და დღემდე აგრძელებს ფუნქციონირებას 2სპეციალისტი ექიმის, 1კოორდინატორის და 1სამედიცინო კონსულტანტის თანხლებით. საერთაშორისო სამოქალაქო ავიაციის ორგანოების მსგავსად, ჩვენი ექიმები საავიაციო სამედიცინო ცენტრში მოქმედებენ თურქეთის სამოქალაქო ავიაციის გენერალური დირექტორატის ცირკულარების და მითითებების შესაბამისად. ცენტრი არა მხოლოდ მფრინავებსა და ბორტის თანამშრომლებს, არამედ საჰაერო მოძრაობის კონტროლიორებს, ფრენის ოპერაციების სპეციალისტებს და სხვა საავიაციო პერსონალს სთავაზობს სამედიცინო სერვისებს.

ძილის ლაბორატორია

ძილის დარღვევების, ძილის და სიფხიზლის პერიოდში გამოვლენილი ფუნქიური დარღვევების გამომწვევი და ძილის მდგომარეობაზე მოქმედი სხვა დაავადებების კვლევა ხდება ძილის ლაბორატორიაში. ცნობილია 80ზე მეტი ძილისა და სიფხიზლის სხვადასხვა პრობლემა. ძილის ლაბორატორიაში პროფესიონალთა მიერ ხდება ძილის დარღვევების დიაგნოსტიკა და მკურნალობის გეგმის შემუშავება.

ეეგ-ემგ

ეეგ კვლევის დროს თავზე დამაგრებული ელექტროდების დახმარებით ხდება თავის ტვინის ნერვული უჯრედების ელექტრული აქტივობის გრაფიკული ჩაწერა. იგი პაციენტისთვის კომფორტული, მარტივი პროცედურაა, საშუალოდ 10-15წთ გრძელდება და ცენტრალური ნერვული სისტემის პროგრესირებადი ან არაპროგრესირებადი დაავადებების გამოკვლევის ერთ-ერთ მეთოდად მიიჩნევა. ჩვენს საავადმყოფოში პროფესიონალთა გუნდის მიერ ეეგ-ს მონაცემებზე დაყრდნობით თავის ტვინისა და ცნს-ის დაავადებების აღმოჩენა ხდება.

EMG ტესტი შედგება ორი ნაწილისგან. მისი საშუალებით მიიღება ინფორმაცია როგორც კუნთის, ასევე კუნთის მკვებავი ნერვის ფუნქციონირების და ნერვულ და კუნთოვან ბოჭკოებს შორის კავშირების შესახებ. გამოკვლევა საშუალოდ 20-30 წთ გრძელდება და მისი საშუალებით ხდება როგორც ნერვის დაზიანების დადგენა, ასევე მკურნალობის მეთოდების შერჩევა.

ინტენსიური თერაპიის განყოფილება

ჩვენი საავადმყოფოს ინტენსიური თერაპიის განყოფილება მოიცავს 4ინტენსიური თერაპიის, 4კორონარული ინტენსიური თერაპიის, 6 გულსისხლძარღვთა ინტენსიური თერაპიის საწოლს და ახალშობილთათვის 6 ინკუბატორს. განყოფილებაში ასევე არსებობს თავმდგმურისთვის მოსაცდელი, საინფორმაციო და მოსასვენებელი სივრცეები.

მრავალფუნქციური გადაუდებელი დახმარება

მედიკანა ბაჰჩელიევლერის საავადმყოფოს გადაუდებელი დახმარების განყოფილება გამიზნულია უწყვეტი ამბულატორიული და სტაციონარული მომსახურებისთვის. იგი მოიცავს დეკონტამინაციას, გადაუდებელ დახმარებას, რადიოლოგიურ გამოკვლევას, 9საწოლიან დაკვირვების ოთახებს და მდებარეობს საოპერაციო განყოფილების ზედა სართულზე.

კლინიკური ლაბორატორია

განვითარებული ქვეყნების სამედიცინო პრაქტიკაში, მაღალი შესაძლებლობების ლაბორატორიებში, მცოდნე და ინოვაციების მიმდევარ კლინიცისტსა და პაციენტს შორის შექმნილი დინამიური სერვისის სამკუთხედის წყალობით, უზრუნველყოფილია ეფექტური და ხარისხიანი ჯანდაცვის სერვისები.

მედიკანა ბაჰჩელიევლერის საავადმყოფოს კლინიკურ ლაბორატორიებს გათავისებული აქვს სამკუთხედში მასზე დაკისრებული მოვალეობა. მაღალი სტანდარტების უზრუნველსაყოფად და მომსახურების ხარისხის გაზრდის მიზნით კლნიკური ლაბორატორიის მონიტორინგი მიმდინარეობს ყოველდღიურად, ყოველკვირეულად და ყოველთვიურად ხარისხის მაჩვენებლების შესაბამისად, რომელიც შედის ხარისხის შიდა და გარე კონტროლის პროგრამებში.

ეს სამუშაო პროცესები უზრუნველყოფს კლინიკური ლაბორატორიის მუშაობის სიზუსტეს, ასევე ანალიზის წინა და ანალიზის შემდგომი პროცესების მონიტორინგს. ამავე დროს რეგულარულად ტარდება პერსონალის გადამზადება.

კლინიკური ლაბორატორიები უზრუნველყოფენ 24საათიან უწყვეტ მომსახურებას დინამიური სულისკვეთებით, გუნდური მუშაობის პრინციპით, ადამიანის უფლებების პატივისცემით, მცოდე და გამოცდილი, ტოლერანტული პერსონალით.

* ბიუქიმიური ლაბორატორია

* მიკრობიოლოგიური ლაბორატორია

კვება და დიეტა

კვებისა და დიეტის სპეციალისტების გუნდის მიზანია პაციენტს დაეხმაროს სწორი კვების ჩვევების ჩამოყალიბებასა და საკითხთან დაკავშირებული მენტალიტეტის შეცვლაში. ერთ-ერთი მნიშვნელოვანი ფაქტორია ჯანსაღი წონის შენარჩუნება, რისთვისაც ამ სფეროში გამოცდილი სპეციალისტები პაციენტებს კვებისა და დიეტის სერვისს სთავაზობენ.