დედების ესთეტიკა

ორსულობის და დედობის პერიოდი ქალის ცხოვრებაში გარდამტეხი ეტაპია. ორსულობის პერიოდში ორგანიზმში უამრავ ცვლილებასთან ერთად იცვლება სხეულის ფორმებიც. ქალის სხეული ძველებურად ლამაზად და მიმზიდველად აღარ გამოიყურება. ორსულობის შემდგომ ზედმეტი კილოგრამების დაკლების შემდეგაც კი ძველი ფორმების დაბრუნება ზოგჯერ შეუძლებელია. თუმცა ორსულობის და მშობიარობის შედეგად მოშვებული მკერდის, ვაგინის დეფორმაციების, მუცლისა და ბარძაყების არეში გამოხატული ცვლილებების გამოსწორება ესთეტიკური ქირურგიის წყალობით შესაძლებელია. პლასტიკური ქირურგიის ამ კომპლექსური მიდგომით  ერთ ოპერაციაში ყველა პრობლემის გამოსწორება შესაძლებელია. ,,დედების ესთეტიკის’’ მეთოდით ქირურგები პრაქტიკულ გამოსავალს სთავაზობენ მშობიარობის შემდეგ თავისი გარეგნობით უკმაყოფილო ქალბატონებს.

რა არის დედების ესთეტიკა?

,,დედების ესთეტიკა’’ მიზნად ისახავს ორსულობის და მშობიარობის შემდეგ განვითარებული ცვლილებების გამოსწორებას და უბრუნებს პაციენტებს ორსულობამდე არსებულ ახალგაზრდულ და მოხდენილ იერს. აღნიშნული მეთოდი ერთ ოპერაციაში აერთიანებს რამოდენიმე პროცედურას, რის შედეგადაც უმოკლეს დროში შესაძლებელია პაციენტის სასურველი შედეგის მიღწევა.

ძუძუთი კვების შედეგად განვითარებული მკერდის ფორის ცვლილებები, მუცლისა და თეძოს მიდამოში დაგროვილი ცხიმი, სხეულის სხვადასხვა უბანში წარმოქმნილი სტრიები და შეშუპება შეიძლება მოგვარდეს ,,დედების ესთეტიკით’’. ჩატარებული პროცედურებით მოკლე დროში შესაძლებელია ქალის სხეულის ყველაზე გამოხატული პრობლემების კომპლექსურად მკურნალობა და ძველი ფორმების აღდგენა. კომპლექსური ოპერაცია მოიცავს: მკერდის და მუცლის ლიფტინგს, მუცლის ლიპოსაქციას და სხვა მსგავს პროცედურებს. ყველა ეს პროცედურა ყველაზე გავრცელებული ქირურგიული მეთოდებით ტარდება. პაციენტის საჭიროებების და მოლოდინის გათვალისწინებით, ინდივიდუალურად ფასდება პრობლემები და მათ მოგვარება ერთ სამედიცინო პაკეტში ხდება.

რა მიზანს ისახავს დედების ესთეტიკა?

ორსულობა ფიზიოლოგიური პროცესია, რომელიც იწვევს ცვლილებებს მკერდის, კანის, ვაგინის, სახის მიდამოში. ,,დედების ესთეტიკის’’ სტანდარტული ოპერაცია ითვალისწინებს მკერდის ლიფტინგს, მუცლის ლიპოსაქციას და ვაგინის გაახალგაზრდავებას. ,,დედების ესთეტიკა’’ ყველა ამ პროცედურას აერთიანებს ერთ ოპერაციაში, რის წყალობითაც პაციენტს არ უწევს რამოდენიმე ანესთეზიის და რეაბილიტაციის პერიოდის გადატანა.

,,დედების ესთეტიკა’’, რომელიც ამარტივებს ქალისთვის ისედაც ყველაზე სასიამოვნო პერიოდს, გარეგნობის გაუმჯობესებით დადებითად მოქმედებს ქალის თავდაჯერებულობაზე. აღნიშნული მეთოდი უკეთესობისკენ ცვლის პიროვნების როგორც ფიზიკურ, ისე სულიერ მდგომარეობას, და ამაღლებს ცხოვრების ხარისხს, ვინაიდან უზრუნველყოფს ორსულობამდე არსებული გარეგნობის აღდგენას. ამ კონტექსტში ძალიან მნიშვნელოვანია პაციენტის მოლოდინები. ამ მიზნით სტანდარული პროცედურების გარდა, მიმართავენ თითოეული პაციენტისთვის ინდივიდუალურად შემუშავებულ მეთოდებს.

,,დედების ესთეტიკით’’,  დეფორმირებული სხეულის აღდგენა და ფორმირება შესაძლებელია ერთ პროცედურაში, რის შედეგადაც სხეული იძენს ახალაზრდულ და ლამაზ იერს. მკერდის დაშვება და მოცულობის დაკარგვა, კანის ისეთი ცვლილებები როგორიცაა პტოზი და სტრიები, სხეულის სხვადასხვა ზონაში დაგროვილი ცხიმი და სხვა პრობლემები შესაძლებელია მოგვარებულ იქნას როგორც სტანდარტული მეთოდებით, ასევე თითოეული პაციენტისთვის შემუშავებული ინდივიდუალური მეთოდების პაკეტით.

რა შემთხვევაში მიმართავენ ამ მეთოდს?

,,დედების ესთეტიკის’’ ოპერაცია ტარდება, თუ მშობიარობიდან გასულია მინიმუმ 6თვე და დასრულებულია ძუძუთი კვების პერიოდი, რადგან მშობიარობიდან 6თვის მანძილზე ორგანიზმში თავისთავად მიმდინარეობს განახლების პროცესები. მაგ: მკერდის გადიდების ოპერაცია არ არის მიზანშეწონილი ძუძუთი კვების პერიოდის დასრულებამდე. ,,დედების ესთეტიკის’’ ჩატარება მიზანშეწონილია როგორც ქალებში, რომლებიც მომავალში აღარ გეგმავენ ორსულობას, ასევე ქალებისთვის, რომლებიც აპირებენ კიდევ ერთხელ გახდნენ დედა. თუმცა განმეორებითი ორსულობის შემდეგ კანი და კუნთები ისევ განიცდის ცვლილებებს და შესაძლებელია საჭირო გახდეს განმეორებითი პროცედურის ჩატარება.

იმისათვის, რომ ჩატარდეს აღნიშნული ოპერაცია, აუცილებელი პირობაა კარგი ჯანმრთელობის  მდგომარეობა, პაციენტს არ უნდა აწუხებდეს დაავადებები, რომლებიც ანესთეზიის უკუჩვენებას წარმოადგენს. არ უნდა იღებდეს მედიკამენტებს, რომლებმაც შეიძლება გავლენა მოახდინოს ოპერაციის მსვლელობაზე. გარდა ამისა ოპერაციამდე მინიმუმ 3დღით ადრე პაციენტმა უნდა შეწყვიტოს თამბაქოს მოხმრება. ნიკოტინი უარყოფით გავლენას ახდენს რეაბილიტაციის პერიოდზეც. ამიტომ ნიკოტნის გამორიცხვა დადებითად მოქმედებს ტკივილის შემცირებაზე და გამოჯანმრთელების პროცესზე.

ოპერაციის შედეგებზე გავლენას ახდენს ასევე ადამიანის სხეულის ანატომიური აგებულება, გასათვალისწინებელია მისი პირადი მოთხოვნებიც. გამოჯანმრთელების პროცესიც ამ ფაქტორების პირდაპირპროპორციულად, ინდივიდუალურად მიმდინარეობს ყველა მათგანში.

,,დედების ესთეტიკის’’ სახეობები და მეთოდები.

სტანდარტულ პაკეტში შემავალი მთავარი ტექნიკებია მკერდის ლიფტინგი და გადიდება, მუცლის ლიფტინგი, ლიპოსაქცია და ლაბიოპლასტიკა.

•მკერდის ლიფტინგი და გადიდება: ,,დედების ესთეტიკაში’’ ყველაზე მოთხოვნადი პროცედურაა. ძუძუს წოვების პერიოდში ზომაში გაზრდილი მკერდი ძუძუთი კვების დასრულების შემდეგ ზომაში იკლებს და ეშვება. პროცედურის დროს მკერდის სილიკონით შევსება და ამავე დროს ზედმეტი კანის მოცილება ხდება. წარმატებული პროცედურის შედეგად შესაძლებელია მკერდის ვიზუალის გაუმჯობესება. თუმცა თანამედროვე ტექნიკების მიუხედავად ამ ოპერაციის ნაწიბურის წარმოქმნის გარეშე შესრულება შეუძლებელია. ძუძუს თავის ირგვლივ გაკეთებული ჭრილობა, რომელიც ეშვება ქვემოთ, შეიძლება გრძელდებოდეს მკერდის ქვეშ მდებარე ნაკეცამდე. ამ მიზეზით, შეუძლებელია ოპერაციის შემდგომი ნაწიბური სრულიად შეუმჩნეველი იყოს .

•მუცლის ლიფტინგი: მუცლის ლიფტინგის მიზანია მუცლის მიდამოში დაგროვილი ზედმეტი ცხიმის მოცილების ხარჯზე, სწორი, ლამაზი და დაჭიმული მუცლის მიღება. ბიკინის ზონაში გავლებული ჭრილობის დახმარებით ხდება კანის და კუნთების დაჭიმვა, ზედმეტი კანის მოკვეთა და ორსულობის პერიოდში კუნთებში განვითარებული ცვლილებების გამოსწორება.

•ლიპოსაქცია: ლიპოსაქცია არის მუცლის, თეძოს, ზურგის და მკლავის არეში დაგროვილი ზედმეტი ცხიმის მოშორების პროცედურა, რომელიც ტარდება სპეციალური მილის, კანულის საშუალებით. ამ მეთოდით შესაძლებელია სხეულის კონტურების გაუმჯობესება. ლიპოსაქციის პროცედურა ტარდება მუცლის ლიფტინგის პროცედურამდე.

•ლაბიოპლასტიკა: მშობიარობის პროცესში ფორმაშეცვლილი მცირე სასირცხვო ბაგეები ბევრ ქალს დისკომფორტს უქმნის. გარდა ესთეტიკური მხარისა, მცირე სასირცხვო ბაგეები, რომლებიც იმატებენ სიგრძეში და სცილდებიან დიდ სასირცხვო ბაგეებს, უარყოფითად მოქმედებენ ადამიანის ყოველდღიურ ცხოვრებაზეც. ლაბიოპლასტიკა მიზნად ისახავს მცირე სასირცხვო ბაგეების ზომაში შემცირებას და უწინდელი იერსახის დაბრუნებას, რაც ხორციელდება ზედმეტი კანის მოკვეთით. რეაბილიტაციის პერიოდი საკმაოდ ხანმოკლეა, პაციენტი მალე უბრუნდება ყოველდღიურ ცხოვრებას.

საყურადღებო საკითხები

ორსულობის შემდგომ გარეგნობის გაუმჯობესება არ არის დამოკიდებული მხოლოდ ესთეტიკურ პროცედურებზე.მშობიარობის შემდგომი გარეგნობა დამოკიდებულია ორსულობის პერიოდში კვების რეჟიმსა და შესრულებულ სავარჯიშო პროგრამებზე. ამიტომ გარეგნობის და ჯანმრთელობის შესანარჩუნებლად საჭიროა ზემოაღნიშნულ საკითხებზე ყურადღების გამახვილება.

ოპერაცია და რეაბილიტაციის პერიოდი

პაციენტებისთვის, ყურადსაღები საკითხია ოპერაციამდე და მის შემდგომ პერიოდში

2 კვირის მანძილზე თამბაქოს მოხმარების შეწყვეტა, რადგან ნიკოტინი უარყოფითად მოქმედებს გამოჯანმრთელების პროცესზე. ეს მნიშვნელოვანი ფაქტორია იმისთვის, რომ პაციენტმა მიიღოს დამაკმაყოფილებელი შედეგი.

ყოველი ადამიანის ორგანიზმი განსხვავდება ერთმანეთისგან და  რეაბილიტაციის პროცესიც ყველა მათგანში ინდივიდუალურად მიმდინარეობს. პროცედურების შემდეგ, როგორიც არის ზედმეტი ცხიმის მოცილება, ლაბიოპლასტიკა, მუცლის ლიფტინგი და მკერდის აუგმენტაცია,  გამოჯანმრთელების პროცესი განსხვავებულია ყველა პაციენტის შემთხვევაში.

სრულ რეაბილიტაციას საშუალოდ 3თვე ჭირდება, თუმცა უმეტეს შემთხვევაში 4-6 კვირის შემდეგ მძიმე ფიზიკური დატვირთვის და სიმძიმის აწევის გარეშე, ყოველდღიური რუტინული აქტივობების შესრულება პრობლემას არ წარმოადგენს. მძიმე სამუშაოსა და სპორტის თავიდან აცილების მიზანი არის გამოჯანმრთელების პროცესის დაჩქარება.

გარდა ამისა მნიშვნელოვანია ჯანსაღი, პროტეინით, ხილით და ბოსტნეულით მდიდარი კვებითი ჩვევების გამომუშავება, და ჯანმრთელი ცხოვრების პროგრამის შედგენა. რითაც ხდება არა მარტო რეაბილიტაციის პროცესის დაჩქარება, არამედ ოპერაციის შედეგად მიღებული, სხეულის ახალი ფორმების ხანგრძლივად შენარჩუნება. დამატებით, კვირაში 7-10 საათი საშუალო დატვირთვის სავარჯიშო პროგრამა დადებითად მოქმედებს როგორც ოპერაციის შედეგებზე, ასევე ადამიანის სიცოცხლის ხარისხზე.