ინ ვიტრო განაყოფიერება

რა არის ინ ვიტრო განაყოფიერება?

ინ ვიტრო განაყოფიერება არის ქალისგან აღებული კვერცხუჯრედისა და მამაკაცისგან აღებული სპერმატოზოიდის შერწყმის (განაყოფიერების) შედეგად მიღებული ემბრიონის ლაბორატორიულ გარემოში საშვილოსნოში განთავსება. ინ ვიტრო განაყოფიერება (IVF) არის დამხმარე რეპროდუქციული მეთოდი წყვილებისთვის, რომლებსაც არ შეუძლიათ ბუნებრივად შვილების გაჩენა. დღეს ის უნაყოფობის ერთ-ერთი ყველაზე გავრცელებული მკურნალობის მეთოდია.

ინ ვიტრო განაყოფიერების მეთოდით, განაყოფიერებული კვერცხუჯრედები ლაბორატორიულ გარემოში გადიან განვითარების პირველ ეტაპებს (ემბრიონი) და შემდეგ ხდება მათი გადატანა მომავალი დედის საშვილოსნოში. ამ პროცედურის შემდეგ დამდგარი ორსულობა არაფრით განსხვავდება ბუნებრივი ორსულობისგან. ინ ვიტრო განაყოფიერების მეთოდით კვერცხუჯრედის განაყოფიერება ხდება ორი გზით:

• ლაბორატორიულ გარემოში კვერცხუჯრედებს დამუშავებული სპერმა ემატება და გარკვეულ ხანს ყოვნდება. სპერმატოზოიდები ბუნებრივი პროცესის ანალოგიურად არღვევენ კვერცხუჯრედების გარსს და ანაყოფიერებენ მას(კლასიკური ინ ვიტრო განაყოფიერება - IVF).
• სპერმის უჯრედი მიკროსკოპის ქვეშ სპეციალური მიკროინექტორის დახმარებით შეჰყავთ უშუალოდ კვერცხუჯრედში (მიკროინექცია).

ინ ვიტრო განაყოფიერების სპეციალისტები, წყვილის მახასიათებლების მიხედვით ორ მეთოდს შორის ყველაზე შესაფერისს არჩევენ. მთავარი მიზანი წარმატებული შედეგის მიღწევაა.

ინსემინაციური მეთოდი

ზოგიერთ შემთხვევაში, ინ ვიტრო განაყოფიერებამდე შეიძლება გამოყენებულ იქნას ინსემინაციური მკურნალობა. ამ მეთოდს იყენებენ განსაკუთრებით მამაკაცის ფაქტორით გამოწვეული უნაყოფობის დროს.

განაყოფიერების პროცესში ხდება ქალის საკვერცხის სტიმულაცია. კვერცხუჯრედების მომწიფების შემდეგ, მამაკაცისგან აღებული ჯანმრთელი სპერმის უჯრედები კათეტერის საშუალებით თავსდება საშვილოსნოში, რის შემდეგაც მოსალოდნელია ბუნებრივი განაყოფიერება.

იმისათვის, რომ IUI მკურნალობა წარმატებული იყოს, მილებიდან ერთ-ერთი მაინც უნდა იყოს გამტარუნარიანი და არ უნდა აღინიშნებოდეს ენდომეტრიოზი, რომელიც შეამცირებს ორსულობის შანსს. რა თქმა უნდა, გარდა ამისა, მამაკაცის სპერმის ანალიზის შედეგები ნორმაში ან ნორმასთან ახლოს უნდა იყოს.

რა პრობლემების დროს გამოიყენება ინ ვიტრო განაყოფიერება?

ინ ვიტრო განაყოფიერება, რომელიც არის დამხმარე რეპროდუქციული ტექნოლოგია, მიზნად ისახავს დაეხმაროს წყვილებს, რომლებსაც არ შეუძლიათ შვილების გაჩენა ისეთი პრობლემების გამო, როგორიცაა გაურკვეველი გენეზის უშვილობა, ინფექცია და მილის ობსტრუქცია მომავალ დედაში, ხანდაზმული ასაკი, სპერმატოზოიდების არასაკმარისი რაოდენობა ან დაბალი აქტივობა, სიმსუქნე.

რას მოიცავს ინ ვიტრო განაყოფიერების პროცესი?

რეგულარული მენსტრუაციული ციკლის მქონე ქალებში ყოველთვიურად ერთი კვერცხუჯრედი მწიფდება. როდესაც ინ ვიტრო განაყოფიერების პროცესი იწყება, ამ რაოდენობის გაზრდას ცდილობენ ჰორმონალური მედიკამენტების დახმარებით. მიუხედავად იმისა, რომ მკურნალობის თითოეული პროცედურა განსხვავებულია, ძირითადი მიზანია პარალელური ჰორმონლაური მკურნალობა, რომელიც უზრუნველყოფს კვერცხუჯრედის განვითარებას და ხელს უშლის ოვულაციას. დოზის კორექტირებისთვის ტარდება სისხლის ანალიზები და ულტრაბგერითი გამოკვლევები საჭიროების შემთხვევაში. პროცესის დასასრულს მომწიფებულ კვერცხუჯრედებს აგროვებენ სინჯარაში, სადაც ლაბორატორიულ პირობებში განაყოფიერდებიან მამაკაცისგან აღებული სპერმის უჯრედებით.

განაყოფიერებულ კვერცხუჯრედებს 2-დან 6 დღემდე ტოვებენ ლაბორატორიულ პირობებში სადაც ისინი საკვებ ხსნარებში სათანადო ტემპერატურულ და ოსმოსურ პირობებში არიან მოთავსებული. მითითებული პერიოდის ბოლოს არჩევენ საუკეთესო განვითარების მქონე ემბრიონებს და გადააქვთ საშვილოსნოში. გადასატანი ემბრიონების რაოდენობა დეტალურად განიხილება წყვილებთან ერთად, რადგან ეს ფაქტორი პირდაპირ გავლენას ახდენს დაორსულობის შანსზე და მრავალნაყოფიანი ორსულობის რისკზე.

რა არის ასაკობრივი ზღვარი ინ ვიტრო განაყოფიერების დროს?

ინ ვიტრო განაყოფიერების მკურნალობის პროცესი იწყება ქალის საკვერცხეების ფუნქციების შეფასებით, რაც ხორციელდება ულტრაბგერითი და ზოგიერთი ჰორმონის ანალიზით მენსტრუაციის მე-3 დღეს. თუ საკვერცხის ფუნქცია დადებითია, ინ ვიტრო განაყოფიერება შეიძლება 45 წლამდე ჩატარდეს.

ინ ვიტრო განაყოფიერებისას ემბრიონი დეტალურად უნდა იქნას გამოკვლეული ხანდაზმულ ასაკში ზოგიერთი ქრომოსომული დეფექტის გამო. გარდა ამისა, ქალებს, რომლებიც გეგმავენ ინ ვიტრო განაყოფიერებას 38 წლის შემდეგ, მნიშვნელოვანია ჩაუტარდეთ პრეიმპლანტაციური გენეტიკური ტესტი ემბრიონის მდგომარეობის შესაფასებლად. ამ მიზეზების გამო, ინ ვიტრო განაყოფიერების ჩატარება რეკომენდირებულია ახალგაზრდა ასაკში.

რა არის წარმატების შანსი ინ ვიტრო განაყოფიერების მკურნალობაში?

ინ ვიტრო განაყოფიერების პროცესში მომავალი დედის ასაკი და ემბრიონის მდგომარეობა არის იმ ფაქტორებს შორის, რომლებიც პირდაპირ გავლენას ახდენს წარმატების მაჩვენებელზე. გარდა ასაკთან დაკავშირებული სტატისტიკისა, ინ ვიტრო განაყოფიერების წარმატების მაჩვენებელზე მოქმედი ფაქტორებია:

• ჭარბი წონა (სხეულის მასის ინდექსის მნიშვნელობა 30-ზე მეტია)
• საკვერცხის ფუნქციის დაქვეითება
• სპერმის ხარისხი
• სპერმის სიმცირე
• პრობლემები საშვილოსნოში და ფალოპის მილებში
• იმუნური სისტემის პრობლემები, რომლებიც აზიანებს სპერმას და საკვერცხეებს
• პოლიპების, ადჰეზიების და ენდომეტრიოზის არსებობა, რომლებიც ხელს უშლის ემბრიონის საშვილოსნოზე მიმაგრებას
• თამბაქოს მოხმარება
• სტრესი, დაბალანსებული კვება და ალკოჰოლის მოხმარება