ლიპოსაქცია

ზოგადი მიმოხილვა

ლიპოსაქცია არის კოსმეტიკური პროცედურა, რომელიც საშუალებას გაძლევთ გათავისუფლდეთ ცხიმისგან, რომლის დაწვაც გიჭირთ ვარჯიშისა და დიეტის საშუალებით. პროცედურა შეიძლება ჩატარდეს სხვა პლასტიკურ ოპერაციებთან ერთად, მათ შორის სახის ლიფტინგთან.
თუნდაც მიზანი იყოს ცხიმის შემცირება, ლიპოსაქცია არ არის წონის კლების მეთოდი, იგი არის ქირურგიული პროცედურა. ლიპოსაქცია არა მხოლოდ აშორებს კონკრეტულ რეგიონებში დაგროვილ ცხიმს, არამედ ახდენს სხეულის იმ ნაწილის ფორმირებას, საიდანაც ცხიმის ამოტუმბვა ხდება.

როგორც ნებისმიერი ქირურგიული პროცედურა, ლიპოსაქციაც შეიცავს რისკებს. ამიტომ, აუცილებელია პაციენტი იყოს ჯანმრთელი. მნიშვნელოვანია სხეულის წონა, ჯანსაღი და ელასტიური კანი და ნიკოტინზე უარის თქმა. ლიპოსაქცია არ არის რეკომენდებული სისხლის მიმოქცევის დარღვევების, გულის დაავადებების, შაქრიანი დიაბეტის ან სუსტი იმუნური სისტემის მქონე ადამიანებისთვის. თუ დაინტერესებული ხართ ლიპოსაქციის პროცედურით, მიმართეთ ჩვენს პლასტიკურ ქირურგებს ტექნიკის, მოლოდინებისა და პოტენციური რისკების შესახებ სასაუბროდ.

რა დროს ტარდება ლიპოსაქცია?

ლიპოსაქცია მიზნად ისახავს დაგროვილი ჭარბი ცხიმის მოცილებას სხეულის კონკრეტული უბნიდან და პრობლემური ადგილის ფორმირებას, სხეულის ნორმალური წონის მქონე ადამიანებში. ამიტომ, ლიპოსაქცია არ უნდა ჩაითვალოს წონის კლების მეთოდად.

შესაბამისად, მიზანი უნდა იყოს სხეულის იმ ნაწილების გარშემოწერილობის შემცირება, სადაც ცხიმი გროვდება დიეტისა და ვარჯიშის მიუხედავად.
ლიპოსაქცია ძირითადად ტარდება მუცლის, თეძოს, ბარძაყის, მკლავისა და კისრის ზონაში. ლიპოსაქცია უკუნაჩვენებია გულ-სისხლძარღვთა დაავადებების, სისხლის მიმოქცევის დარღვევის და ქრონიკული დაავადებების მქონე ადამიანებში, როგორიცაა შაქრიანი დიაბეტი და ჰიპერტონია, ასევე ორსულებსა და მეძუძურ ქალებში. გარდა ამისა, რისკების თავიდან აცილების მიზნით პლასტიკური ქირურგი ატარებს დამატებით ანალიზებსა და გამოკვლევებს.

შესაბამისად, ძალიან მნიშვნელოვანია ქირურგს სრულყოფილად მიაწოდოთ ინფორმაცია თქვენი ჯანმრთელობის ისტორიის შესახებ.
ლიპოსაქცია ვერ დაგეხმარებათ კანის პრობლემების მოგვარებაში. იგი არ გამორიცხავს წონის მატების შემთხვევაში ცხიმის ხელახალ დაგროვებას.
ყველაზე ბუნებრივი და დამაკმაყოფილებელი შედეგების მისაღებად, თქვენი მიზანი და მოლოდინები უნდა განიხილოთ პლასტიკურ ქირურგთან.

რისკები

ლიპოსაქციის პროცედურის შესაძლო გართულებებია:

• სისხლდენა
• ანესთეზიასთან დაკავშირებული გართულებები
• ჰემატომა და ლიმფის დაგროვება
• ინფექციები
• ცხიმოვანი ემბოლია
• არასწორი კონტურები
• კანის დაბუჟება
• ნერვების, სისხლძარღვების, კუნთების და ახლომდებარე ორგანოების დაზიანება
• თრომბის წარქმოქმნა

პროფესიონალი პლასტიკური ქირურგების გუნდი მიმართავს ყველა ზომას გართულებების რისკის მინიმუმამდე შესამცირებლად. ისინი ოპერაციის დაწყებამდე პაციენტს აწვდიან ინფორმაციას ზემოთ ჩამოთვლილი პოტენციური რისკებისა და გართულებების შესახებ და ეხმარებიან მას შიშისა და სტრესის დაძლევაში.

მოსამზადებელი ეტაპი

მოსამზადებელი პერიოდი მედიკანას ყველა საავადმყოფოსთვის საერთოა.
ლიპოსაქციის ჩატარებაზე გადაწყვეტილების მიღების და პლასტიკურ ქირურგთან კონსულტაციის შემდეგ უნდა ჩატარდეს ქვემოთ ჩამოთვლილი გამოკვლევები:

• ჯანმრთელობის ისტორიის შესწავლა
• დეტალური ფიზიკური გამოკვლევა
• ლაბორატორიული ანალიზები და რადიოლოგიური გამოკვლევები
• ანესთეზიოლოგის კონსულტაცია და ანესთეზიასთან დაკავშირებული გართულებების გამოსარიცხად საჭირო გამოკვლევები.

ლიპოსაქციის პირველი ნაბიჯი პლასტიკურ ქირურგთან გასაუბრებაა. მასთან ერთად უნდა განიხილოთ პოტენციური რისკები, მოლოდინები, და პროცედურასთან დაკავშირებული ყველა სხვა დეტალი.

თუ გადაწყვეტთ პროცედურის ჩატარებას, პლასტიკური ქირურგი გაცნობებთ ასევე წინასაოპერაციო სამზადისის შესახებ. ეს ეტაპი ძალზე მნიშვნელოვანია და მოიცავს კვებით და ალკოჰოლურ შეზღუდვებს.

მას შემდეგ რაც დადასტურდება, რომ ოპერაცია არ წარმოადგენს საფრთხეს, წინა პერიოდში აუცილებელია თამბაქოს მოხმარების და იმ პრეპარატების მიღების შეწყვეტა, რომლებიც ზრდიან სისხლდენის რისკს. ასევე მიიღება გადაწყვეტილება სხვა პრეპარატების ან საკვები დანამატების შესახებ, რომლებსაც პაციენტი ოპერაციამდე იღებდა.
გარდა ამისა ოპერაციამდე გარკვეული დროით ადრე პაციენტმა უნდა შეწყვიტოს საკვების და სასმლის მიღება, რის შესახებაც მას წინასწარ მიეწოდება ინფორმაცია.

პოსტოპერაციული პერიოდის სწორად წარმართვისთვის მნიშვნელოვანია წინასწარ დაიგეგმოს საავადმყოფოდან გაწერის შემდეგ საჭირო ქმედებები.

ოპერაცია და პოსტოპერაციული პერიოდი

ლიპოსაქციის შემდეგ სახლში წასვლა შეგიძლიათ იმავე დღეს. მაგრამ რეკომენდებულია თან გახლდეთ თავმდგმური რადგან დიდი რაოდენობის ცხიმის ამოტუმბვის შემთხვევაში, შესაძლოა საჭირო გახდეს საავადმყოფოში დარჩენა.

ხდება სამიზნე ტერიტორიის მონიშვნა და პროცედურამდე და პროცედურის შემდგომი მდგომარეობის შედარებისთვის ფოტოების გადაღება.
მიუხედავად იმისა, რომ ლიპოსაქცია მიმდინარეობს ზოგადი ანესთეზიის ქვეშ, მცირე პროცედურები შეიძლება ჩატარდეს ადგილობრივი ან რეგიონალური ანესთეზიით.
ლიპოსაქცია ტარდება სხვადასხვა ტექნიკით, მაგრამ ყველა მათგანის დროს ორგანიზმიდან ცხიმის გამოსატუმბად გამოიყენება წვრილი მილი, რომელსაც უწოდებენ ვაკუუმ კანულას.
სველი ლიპოსაქცია ყველაზე გავრცელებული ტექნიკაა. ქირურგს შეჰყავს ფიზიოლოგიური ხსნარის, ლიდოკაინის და ეპინეფრინის შემცველი ხსნარი იმ ადგილას, საიდანაც უნდა მოხდეს ცხიმის ამოტუმბვა. ამ ტექნიკას თან ახლავს ნაკლები სისხლდენა, ნაკლები ტკივილი და გაადვილებულია ცხიმის ამოტუმბვის პროცესი.

ულტრაბგერის დახმარებით ლიპოსაქციის ტექნიკაში, ხმოვანი ტალღის ენერგიის საშუალებით ხდება კანქვეშა ცხიმის უჯრედების კედლების მთლიანობის დარღვევა. (ემულსიფიკაცია). ამ ტექნიკის დროს მყარი ცხიმი გადადის თხევად მდგომარეობაში. ლაზერის დახმარებით ლიპოსაქცია იყენებს ლაზერის ენერგიას ცხიმის გათხევადებისთვის. თხევადი ცხიმი იწოვება კანულის გამოყენებით.
ოპერაციის შემდეგ ჭრილობის არეში შესაძლოა აღინიშნოს ტკივილი, შეშუპება და სისხლჩაქცევები. ეს სიმპტომები ნორმალურია და თავისთავად გაივლის რამოდენიმე კვირის განმავლობაში.

უმნიშვნელო ტკივილის მიუხედავად ექიმი ნიშნავს ტკივილგამაყუჩებელ საშუალებას. გარდა ამისა, შეიძლება დაინიშნოს ანტიბიოტიკები ინფექციის თავიდან ასაცილებლად. სხეულის ზონის მიხედვით, სადაც ტარდება ლიპოსაქციის ოპერაცია, შეიძლება საჭირო იყოს კომპრესიული სახვევის დადება ან მჭიდრო ტანსაცმლის-კორსეტის ტარება, შეშუპების შესამცირებლად და სხეულის ფორმირების ხელშეწყობისათვის. ქირურგი განსაზღვრავს ასევე საავადმყოფოში დარჩენის აუცილებლობას.
ანესთეზიის ზემოქმედებიდან გამოსვლის შემდეგ პაციენტს შეუძლია ფეხზე ადგომა და სიარული ექიმების მეთვალყურეობის ქვეშ.

საავადმყოფოდან გაწერამდე, პლასტიკური ქირურგი გასცემს რეკომენდაციას სარეაბილიტაციო პერიოდის ხანგრძლივობის და შესასრულებელი მსუბუქი ვარჯიშების შესახებ. შესაძლოა დაუბრუნდეთ ყოველდღიურ ცხოვრებას მაგრამ გარკვეული დროის მანძილზე თავი უნდა აარიდოთ მძიმე სამუშაოს შესრულებას.

პოსტოპერაციული პერიოდის შესამსუბუქებლად და საუკეთესო შედეგის მისაღებად უაღრესად მნიშვნელოვანია ექიმის მითითებების შესრულება. ამიტომ საავადმყოფოდან გაწერამდე მიზანშეწონილია გაესაუბროთ პლასტიკურ ქირურგს. გაწერის შემდეგ, თუ ჭრილობის არეში იგრძნობთ სიწითლეს ან სიმხურვალეს, ან შენიშნავთ ოპერაციასთან დაკავშირებულ სხვა რომელიმე სიმპტომს, დაუყოვნებლივ მიმართეთ თქვენს პლასტიკურ ქირურგს.

შედეგები

ლიპოსაქცია სამუდამოდ შლის ცხიმოვან ქსოვილს. თუმცა, წონის მატების შედეგად ცხიმი შესაძლოა ხელახლა დაგროვდეს. ოპერაციის შემდეგ ახალი ფორმების შესანარჩუნებლად, უნდა იკვებოთ ჯანსაღად, რაც გულისხმობს უცხიმო საკვებს, ხილს, ბოსტნეულს და ხორბალს. ძალიან მნიშვნელოვანია ასევე რეგულარული ვარჯიში.