ჰიპერთერმია

სითბოს ძალა!

თერმოთერაპიას ექიმები საუკუნეების მანძილზე იყენებდნენ დაავადებების სამკურნალოდ. ორგანიზმის პირველი რეაქცია ინფექციებთან საბრძოლველად სხეულის ტემპერატურის მატებაა. სხეულის მაღალი ტემპერატურა აფრთხილებს ორგანიზმს და საშუალებას აძლევს ჩვენს იმუნურ სისტემას უფრო ეფექტურად იმუშაოს.

ფილოსოფოსმა და ექიმმა პარმენიდემ თქვა: ,,მომეცი ცეცხლის წარმოქმნის ძალა და მე განვკურნავ ყველა დაავადებას’’. ნიუ-იორკის ონკოლოგიური საავადმყოფოს მთ. ექიმმა, ბრედლი კოლიმ შენიშნა, რომ როდესაც კიბოთი დაავადებული პაციენტები ავადდებოდნენ მაღალი ტემპერატურით მიმდინარე ავადმყოფობით, კიბო განიცდიდა რეგრესიას. ამ აღმოჩენის საფუძველზე, კოლი ფიქრობდა, რომ შესაძლებელია კიბოს მკურნალობა სიმსივნურ ქსოვილში მაღალი ტემპერატურის გამომწვევი ბაქტერიების შეყვანით.

მართლაც, ექიმმა კოლიმ, მრავალი პაციენტის განკურნებით, 1800-იან წლებში საფუძველი ჩაუყარა ჰიპერთერმიას. ექ.დოცენტი მუთლუ დემირეი არის გერმანიის ჰიპერთერმიის ასოციაციის წევრი, რომლის მიერაც სერთიფიცირებულია მედიკანას კლინიკები. ამიტომ, იგი იყენებს გერმანიის ჰიპერთერმიის ასოციაციის მიერ განსაზღვრულ მკურნალობის პროტოკოლებს. გარდა ამისა, მედიკანამ გააფორმა სამეცნიერო თანამშრომლობის ხელშეკრულება ბოხუმის რურის უნივერსიტეტის ჰიპერთერმიისა და დიეტოლოგიის კლინიკასთან.

რატომ შეიძლება იყოს ქიმიოთერაპია და რადიოთერაპია არასაკმარისი კიბოს მკურნალობაში?

სიმსივნური უჯრედების სტრუქტურული განსხვავებები კიბოს მკურნალობის წარუმატებლობის ერთ-ერთი მთავარი მიზეზია. მაგალითად, ქიმიოთერაპიული პრეპარატები საკმარისად ვერ აღწევენ კიბოს უჯრედებში მათი კედლების რთული სისხლძარღვოვანი სტრუქტურის გამო.

მეორეს მხრივ, რადიოთერაპია, კიბოს მკურნალობის ერთ-ერთი მეთოდი, კიბოს უჯრედებზე მოქმედებს მხოლოდ აერობულ გარემოში. თუმცა, იმის გამო, რომ კიბოს უჯრედები ვითარდებიან ანაერობულ გარემოში, ისინი სამჯერ უფრო მდგრადია რადიოთერაპიის მიმართ, ვიდრე ნორმალური უჯრედები. გარდა ამისა, მცირდება იმუნური სისტემის ეფექტურობა კიბოს უჯრედების პათოლოგიური ელექტრული აქტივობისა და მჟავე გარემოში არსებობის გამო. ქიმიოთერაპიული პრეპარატები, რომლებიც აღწევენ კიბოს უჯრედებში, გამოიდევნება უჯრედებიდან უჯრედის კედლებში არსებული ტუმბოების მეშვეობით.

რა სარგებელს იძლევა ჰიპერთერმია კიბოს სამკურნალოდ?

კიბოს სამკურნალოდ გამოყენებული ქიმიოთერაპიული პრეპარატები საკმარისად ვერ აღწევენ სიმსივნურ ქსოვილსა და უჯრედებში. უჯრედში შეღწევის შემდეგ კი ისინი ხშირად უკან გამოიდევნებიან. უჯრედში დარჩენის შემთვევაში, მათი ზემოქმედების შედეგად სიმსივნურ უჯრედებზე მიყენებული ზიანი სწრაფად აღდგება. მეორეს მხრივ, რადიოთერაპია ანადგურებს კიბოს ქსოვილებს აერობულ გარემოში თავისუფალი რადიკალების შექმნით. თუმცა, კიბოს უჯრედები ანაერობულ გარემოში არსებობენ და შეუძლიათ რადიოთერაპიის ზემოქმედების გაუვნებელყოფა. ჰიპერთერმია არის მეთოდი, რომელიც გამოიყენება ქიმიოთერაპიის და რადიოთერაპიის ეფექტურობის გასაზრდელად.

როგორ ზრდის ჰიპერთერმია ქიმიოთერაპიისა და რადიოთერაპიის ეფექტურობას?

ჰიპერთერმია აფართოებს სისხლძარღვებს; ამგვარად, ქიმიოთერაპიული პრეპარატები უკეთ აღწევენ სიმსივნურ ქსოვილში. ჰიპერთერმია ზრდის სიმსივნური ქსოვილის ოქსიგენიზაციას, რითაც იზრდება რადიოთერაპიის ეფექტურობა. ჰიპერთერმია არღვევს კიბოს უჯრედების კედლის სტრუქტურას. ამრიგად, ქიმიოთერაპიულ პრეპარატები უკეთესად აღწევენ კიბოს უჯრედებში.

• ჰიპერთერმია ახდენს სიმსივნური უჯრედების კედლებში არსებული ტუმბოების დეაქტივაციას, რითაც ხელს უწყობს ქიმიოთერაპიული პრეპარატების უჯრედში შენახვას.
• ჰიპერთერმია კიბოს უჯრედებში აჩერებს ცილის სინთეზს, რითაც აფერხებს კიბოს უჯრედების აღდგენის უნარს რადიოთერაპიის და ქიმიოთერაპიის შემდეგ.
• ჰიპერთერმია იწვევს ცვლილებებს კიბოს უჯრედებში, რითაც ეხმარება იმუნურ სისტემას გახდეს უფრო ეფექტური მათ წინააღმდეგ.
• ჰიპერთერმიას შეუძლია შეაჩეროს ქიმიოთერაპიული პრეპარატების მიმართ რეზისტენტობის განვითარება და უკვე განვითარებული რეზისტენტობა შეამციროს.
• ჰიპერთერმია ანადგურებს უშუალოდ სიმსივნურ უჯრედებს. დიდი ხანია ცნობილია, რომ კიბოს მკურნალობის წარმატება მნიშვნელოვნად იზრდება კიბოს უჯრედებში ტემპერატურის მატებით, მათი დაზიანების გარეშე.

როგორ გამოიყენება ლოკალური/რეგიონული ჰიპერთერმია?

ტექნოლოგიური კვლევების პარალელურად, მნიშვნელოვანი განვითარება განიცადა ჰიპერთერმიის ტექნიკამ. უახლესი ტექნოლოგია ჰიპერთერმიის უშუალოდ სიმსივნურ ქსოვილებში წარმოქმნის საშუალებას იძლევა. ჰიპერთერმიის კომბინაციამ ქიმიოთერაპიასა და რადიოთერაპიასთან, კარი გაუხსნა კიბოს მკურნალობას მნიშვნელოვანი წარმატებისკენ. წარმატებული შედეგები გახდა მიზეზი, ევროპის, აშშ-ს და იაპონიის მრავალ უნივერსიტეტს დაეწყოთ ინტენსიური კვლევები თერმოთერაპიის შესახებ.

არის თუ არა ჰიპერთერმია მეცნიერული მეთოდი?

ჰიპერთერმია არის მრავალი უნივერსიტეტის აკადემიური კვლევის სფერო. მათ შორის არის ტეხასის უნივერსიტეტი, ჰარვარდის სამედიცინო სკოლა, მინესოტას უნივერსიტეტი, ვერონას საუნივერსიტეტო კლინიკა, ვიტენ-ჰერდეკე/ბოხუმის უნივერსიტეტი, კანსაის სამედიცინო უნივერსიტეტი ოსაკა, დიუკის უნივერსიტეტის სამედიცინო ცენტრი, ამსტერდამის სამედიცინო ცენტრი და ერასმუს MC. ჰიპერთერმია აღიარებულია კიბოს მკურნალობის მეოთხე მიმართულებად,ევროპის წამყვანი კიბოსთან მებრძოლი ასოციაციის მიერ.

როგორ შეიძლება ჰიპერთერმია გავხადოთ უფრო ეფექტური ქიმიოთერაპიასა და რადიოთერაპიასთან ერთად?

ჰიპერთერმიის კომბინაცია ქიმიოთერაპიასა და/ან რადიოთერაპიასთან, ზრდის მკურნალობის ეფექტურობას. ჰიპერთერმია რადიოთერაპიის ეფექტურობას ზრდის 500%-მდე. იმის გამო, რომ ქიმიოთერაპიულ პრეპარატებს აქვთ მოქმედების სხვადასხვა მექანიზმი, ქიმიოთერაპიის ეფექტურობა იზრდება 2-10-ჯერ. ჰიპერთერმიას არ აქვს გვერდითი მოვლენები. არ აუარესებს ქიმიოთერაპიის ან რადიოთერაპიის გვერდით მოვლენებს. იმ შემთხვევებში, როდესაც ქიმიოთერაპია და/ან რადიოთერაპია არ არის მიზანშეწონილი, მკურნალობის მეთოდად შეიძლება განიხილებოდეს ჰიპერთერმია, რადგან ეს არის მეთოდი, რომელიც ზემოქმედებს მხოლოდ სიმსივნურ ქსოვილზე და არ ახასიათბს გვერდითი მოვლენები.