გადმოგირეკავთ
რინოპლასტიკა წარმოადგენს ხრტილისა და ძვლების სტრუქტურის შეცვლის პროცედურას. ზოგჯერ საჭიროა ძვლებისა და ხრტილების ამოჭრა, რათა ცხვირს მიეცეს ესთეტიკური ფორმა, ზოგჯერ პირიქით, საჭიროა არასაკმარისი ნაწილების შევსება და ფორმის შეცვლა, იმისათვის, რომ რინოპლასტიკა ანუ ცხვირის კოსმეტიკური ქირურგია მივიჩნიოთ პლასტიკური ქირურგიის ყველაზე რთულ და ამოუცნობ ოპერაციად.
რატომ არის ცხვირის კოსმეტიკური ქირურგია რთული?
ცხვირის კოსმეტიკური ქირურგია რთულია, რადგან ცხვირი ჰგავს დახურულ ყუთს და ოპერაცია უნდა ჩუტარდეს ყუთს მხოლოდ ერთ მხარეს. ამ ოპერაციაში ბევრი რამ უცნობია, რადგან ძვლები და ხრტილები, რომლებიც ქმნიან ცხვირის სტრუქტურას, ერთმანეთისგან დამოუკიდებლად არსებობენ, თუმცა მთლიანობაში შეიძლება განსხვავებული რეაქცია ჰქონდეთ აღდგენის პერიოდში. ამ მიზეზით, აღნიშნულ პლასტიკურ ქირურგიას ყველაზე ხშირად სჭირდება შესწორება, კერძოდ, კორექციის მეორე ოპერაცია. როგორც წესი, მსოფლიო დონის ქირურგი ყოველ მეათე შემთხვევაში ახორციელებს შესწორებას.
მეორე მხრივ, კარგად ჩატარების შემთხვევაში აღნიშნული ოპერაცია ბრწყინვალე შედეგს იძლევა.
ოპერაცია
რინოპლასტიკა შეიძლება ჩატარდეს ორი მეთოდით: ღია და დახურული.
დახურული მეთოდის შემთხვევაში ყველა ჭრილობა კეთდება ცხვირის შიგნით, ხოლო ქირურგი ასრულებს ოპერაციას შიგნიდან მუშაობით. ღია მეთოდის შემთხვევაში ცხვირის წვერზე კეთდება 3-4 მმ ჭრილი და იხსნება ცხვირის წვერი.
ამ ორ ტექნიკას შორის განსხვავება დაკავშირებულია ქირურგის მხრიდან ოპერაციის მართვაზე. დახურული მეთოდი, რომელიც ხორციელდება ცხვირის წვერში, უფრო ჰგავს ბოთლის ოპერაციას. თუ მხოლოდ ბოთლიდან რაღაცის ამოღებას გეგმავთ, პრობლემა არ იქნება, მაგრამ თუ შიგნით გემის მოდელის გაკეთება გსურთ, ადვილი არ იქნება. ღია მეთოდის გამოყენებით ქირურგს შეუძლია დაინახოს სტრუქტურები ცხვირის წინა 2/3-ში.
ექიმები, რომლებიც ამ ოპერაციას ატარებენ, გამუდმებით კამათობენ იმაზე, თუ რომელი ტექნიკაა უკეთესი, თუმცა გადაწყვეტილებამდე ჯერ ვერ მივიდნენ.
როგორც ზემოაღწერილიდან ხედავთ, უპირატესობას ვანიჭებ ღია მეთოდს. უმთავრესი მიზეზი იმაში მდგომარეობს, რომ არ მჯერა, სანიმუშო მუშაობის შედეგი, რომელიც განხორციელდა რეალური დაკვირვების გარეშე, შესაძლოა კარგი იყოს. დახურული მეთოდის მომხრეებიც კი ვერ უარყოფენ, რომ ბევრი ქირურგიული მანევრი შესაძლებელია მხოლოდ ღია მეთოდით, ხოლო კორექცია, რომელიც შეუძლებელია სწრაფი ტექნიკით, შესაძლებელია ხელმისაწვდომი ტექნიკით. ღია ოპერაციის შემდეგ, შესწორების ალბათობა ნაკლებია.
ღია მეთოდის ყველაზე მნიშვნელოვანი მინუსი არის ნაწიბური ცხვირის წვერზე. მაგრამ კარგად ჩატარებული ოპერაციის შემდეგ ეს ნაწიბური პრაქტიკულად უხილავია და რჩება ცხვირის ქვეშ. ოპერაციის შემდეგ ბევრ პაციენტს საერთოდ ავიწყდება ამ ნაწიბურის შესახებ.
თუმცა, ამ საკითხთან დაკავშირებით გთხოვთ გაიაროთ კონსულტაცია თქვენს ექიმთან და ენდოთ მას. ყველა ქირურგი მიიღებს საუკეთესო შედეგებს იმ მეთოდის გამოყენებით, რომელსაც ყველაზე უკეთ ფლობს და საუკეთესოდ მიიჩნევს. ყოველივე ზემოთქმული მხოლოდ ჩემი პირადი მოსაზრებაა.
ხშირად მინახავს ძალიან ცუდი შედეგები; ჩემს შემთხვევაშიც ასე მოხდება?
ასევე ვხედავ "ნაოპერაციებ ცხვირებს", რომლებიც არაბუნებრივი და ძალიან პატარაა, წინა მხრიდან კი ნესტოებიც ჩანს. ცალკე განვმარტე როგორ უნდა მივხვდეთ ცხვირზე ცუდად ჩატარებული ოპერაციის შესახებ. გახსოვდეთ, რომ ოპერაციის შედეგი მთლიანად დამოკიდებულია ქირურგის ტექნიკაზე, მის უნარებსა და იმ ფაქტზე, თუ რისი გაკეთება სურს.
აპრეხილი ცხვირის ფორმის მიცემა მხოლოდ მისი ზომის შემცირებით, არაბუნებრივი შედეგს იძლევა. თანამედროვე ტექნიკაში პრაქტიკულად არაფრის მოცილება არ ხდება. იცვლება მხოლოდ ქსოვილების მდებარეობა, პოზიცია და ფორმა.
თუ ამ სურათს დააკვირდებით, დაინახავთ ერთ-ერთ ყველაზე გავრცელებულ კოსმეტიკურ შეცდომას. ეს მეთოდი ხშირად გამოიყენებოდა ძველ ტექნიკაში. წარსულში, იმისათვის, რომ ცხვირს აპრეხილი ფორმა ჰქონოდა, მას აპატარავებდნენ, ხოლო საწყის წერტილს რაც შეიძლება დაბლა იღებდნენ. ამრიგად, შეიქმნა ილუზია, რომ ცხვირი აიპრიხა, მაგრამ შედეგი არ იყო ბუნებრივი. აუცილებელია ცხვირი დაიწყოს იმ ადგილიდან, საიდანაც უნდა იწყებოდეს, ანუ თითქმის გუგების დონეზე და შესაბამისად მიეცეს მთლიანი ფორმა.
შემიძლია დავინახო, როგორი იქნება ჩემი ცხვირი ოპერაციის შემდეგ?
ამ მიზნით შექმნილია კომპიუტერული პროგრამები. თქვენი ექიმი სავარაუდოდ მოგაწოდებთ ერთ-ერთ იდეას. თუმცა, ფაქტობრივი ქირურგიული დაგეგმვა და გაზომვა ამ პროგრამებით შეუძლებელია; მათ შეუძლიათ მხოლოდ ზოგადი წარმოდგენის მიცემა.
თუ თქვენი ექიმი იყენებს გაზომვაზე დაფუძნებულ ერთ-ერთ ახალ მეთოდს, მას სურს თქვენი ფოტოების გაზომვა. ამისთვის, ვიდრე თქვენ სურათს იღებთ, მას ხელში უჭირავს სახაზავი და შესაბამისად ზომავეს ან ბეჭდავენ გადაღებულ ფოტოს რეალურ ზომაში.
ოპერაციამდე გამოვთვალე ოქროს პროპორციები და სახის იდეალური პროფილი ზუსტი გაზომვით. ჩემი გამოთვლების საფუძველზე, პროფილს ხელით დავხატე. პროფილირების შესახებ დამატებითი ინფორმაციისთვის დააწკაპუნეთ აქ.
შესაძლო გართულებები და პრობლემებ
ნებისმიერ ოპერაციასთან შედარებით სისხლდენის რისკი შეიძლება უფრო სერიოზული იყოს რინოპლასტიკაში. არასასურველი სისხლდენის ალბათობა იზრდება, თუ ცხვირის შეშუპების შესამსუბუქებლად ცხვირში ჩატარდება არა-კოსმეტიკური პროცედურები, რაც მხოლოდ აუცილებლობის შემთხვევაში უნდა გაკეთდეს. ცხვირი არის ორგანო, რომელიც შეიცავს საშუალო ზომის სისხლძაღვებს. მაგრამ მსგავსი სისხლდენა, როგორც წესი, არ აღწევს საშიშ დონეს და შეიძლება შეჩერდეს მარტივი ტამპონების მოთავსებით.
ოპერაციის შემდეგ, სასუნთქ გზებში შეიძლება წარმოიქმნას შეხორცებები, რომელსაც ეწოდება სინექია, რაც სუნთქვას უფრო ართულებს, ვიდრე ოპერაციამდე. როგორც წესი, ეს ადვილად იმკურნალება, მაგრამ შეიძლება საჭირო გახდეს შემდგომი ოპერაცია.
ძალიან იშვიათად შეიძლება აღმოჩნდეს ღრმული "ძგიდის" სტრუქტურაში, ცხვირის შუა ნაწილში. ეს ჩვეულებრივ პრობლემას არ წარმოადგენს, მაგრამ იშვიათ შემთხვევებში შეიძლება გამოიწვიოს ხმაურიანი სუნთქვა. ამის მკურნალობა რთულია და საჭიროებს განმეორებით ოპერაციას.
ცხვირის ინფექცია თითქმის შეუძლებელია. ეს ორგანო, რომელსაც ძლიერად მიეწოდება სისხლი, ძალიან მდგრადია ანთების მიმართ. თუ ოპერაციის შემდეგ განვითარდა ინფექცია, შეგიძლიათ ეს სამედიცინო ლიტერატურაში შეიტანოთ.
მაგრამ არავის გაუკვირდება, თუ ოპერაციის შემდეგ გექნებათ კოსმეტიკური პრობლემები ან დეფორმაციები, ან არ მოგეწონებათ თქვენი ცხვირის ფორმა. ამიტომ, ამ ოპერაციის ყველაზე გავრცელებული გართულება სწორედ კოსმეტიკური მხარეა.
ხშირად დასმული შეკითხვები
ეს ოპერაცია უნდა განახორციელოს პლასტიკურმა ქირურგმა თუ ოტოლარინგოლოგმა (ყელ-ყურ-ცხვირის ექიმი)?
თქვენი ექიმი შეიძლება იყოს პლასტიკური ქირურგი ან ოტოლარინგოლოგი. თუმცა, არ დაგავიწყდეთ, რომ ეს არ არის ოპერაცია იმის სათქმელად: „მოდით, ბარემ ეს ძვალი ამოვიღოთ“. ზოგჯერ ასეთი რეტუშირება, რომელიც კარგი განზრახვით მოხდა, შეიძლება ძნელად გამოსასწორებელი გახდეს. განიხილეთ ეს თემა დეტალურად თქვენს ექიმთან.
ძვლებს ტეხავთ?
ჩვენ არ ვტეხავთ ძვლებს. თუ გვინდა, ძვლებს მივცეთ ფორმა ან ამივიღოთ ძვლის ნაწილები, მათ „ვჭრით“. ამისთვის გამოიყენება თხელი საჭრისები. ზოგჯერ ხდება ძვლების გაქლიბვა.
შესაძლებელია თუ არა ამ ოპერაციის ჩატარება ადგილობრივი ანესთეზიის ქვეშ?
თუ საქმე გაქვთ ძვლებთან, რაც პირველ რიგში აუცილებელია, ადგილობრივი ანესთეზია არ გამოდგება. ეს არის ოპერაცია, რომელიც საჭიროებს ზოგად ანესთეზიას.
საჭიროა ტამპონის ჩადება?
ბევრი ოპერაციის შემდეგ ტამპონები არ არის საჭირო. ისინი საჭიროა მხოლოდ იმ შემთხვევაში, თუ სერიოზული სამუშაო ჩატარდა ცხვირში. თუმცა, თანამედროვე ტამპონები უფრო მოკლეა, ვიდრე ეს ადრე იყო.
ტამპონების ამოღება ძალიან მტკივნეულია?
ტამპონების ამოღება შეიძლება მოსაბეზრებელი იყოს, თუმცა ეს მტკივნეული პროცესი აღარ არის. ამ საკითხთან დაკავშირებით მიმართეთ ექიმს და გაარკვიეთ, გამოიყენებენ თუ არა ტამპონებს და რა სახის ტამპონებს განიხილავენ.
არის თუ არა რინოპლასტიკის მიზანი ცხვირის დაპატარავება და „ძვლების ამოღება“?
ამ კითხვაზე პასუხი უარყოფითია. ეს ოპერაცია მიზნად ისახავს ცხვირისთვის სასურველი ფორმის მიცემას. ზოგადი მოსაზრების საწინააღმდეგოდ, როგორც წესი, ეს მიიღწევა არა ცხვირის დაპატარავებით, არამედ გადიდებით. თუ საქმე გვაქვს დიდი ზომის ძვალთან რომელსაც ეწოდება "კეხი" (რომელიც სინამდვილეში ძირითადად ხრტილოვანია), რა თქმა უნდა, მოხდება მისი ამოღება, მაგრამ ამ ტიპის ცხვირის უმეტესობას აქვს დაბალი წვერი და საჭიროებს აწევას. ასევე, მიუხედავად იმისა, რომ ბევრი ცხვირის წვერი სქელია, ძირითადი პრობლემა ფორმაშია და მისი დაპატარავება ან გათხელება პრობლემას მხოლოდ ზრდის.
სასარგებლო ინფორმაცია
არ გადავაჭარბებთ თუ ვიტყვით, რომ რინოპლასტიკა ყველაზე რთული პლასტიკური ოპერაციაა. თუ შედეგი კარგია, აღფრთოვანებული დარჩებით ამ ოპერაციით, მაგრამ თუ შედეგი ცუდია, კორექცია რთული იქნება.
გავრცელებული მოსაზრების საწინააღმდეგოდ, ოდნავ აწეული ევროპული ცხვირი, რომელსაც ჩვენ ვეტრფით, არ არის პატარა, არამედ ძალიან მაღალია. ამიტომ, ცხვირის აწევა შეუძლებელია მხოლოდ მათი ზომის შემცირებით ისე, რომ ისინი ბუნებრივად გამოიყურებოდეს.
რა მოლოდნი უნდა გვქონდეს ოპერაციამდე და ოპერაციის შემდეგ?
ეს არის მცირე და საშუალო სიმძიმის პლასტიკური ოპერაცია. ოპერაციის დროს საჭიროა ანესთეზია, ამიტომ არ გირჩევთ ოპერაციის ჩატარებას ადგილობრივი ანესთეზიით. ოპერაცია უნდა ჩატარდეს საავადმყოფოში, მაგრამ არ საჭიროებს სრულად აღჭურვილ ან ინტენსიური თერაპიის განყოფილებას. არ გირჩევთ აღნიშნული ოპერაციის გაკეთებას ექიმის კაბინეტში.
თქვენი ექიმი შეიძლება იყოს პლასტიკური ქირურგი ან ოტოლარინგოლოგი. მე მაინც გირჩევთ, რომ ოპერაცია გაიკეთოთ პლასტიკურ ქირურგთან, მაგრამ ვიცი, რომ არიან ყელ-ყურ-ცხვირის სპეციალისტები, რომლებიც ამ ოპერაციას ძალიან კარგად აკეთებენ. თუმცა დაიმახსოვრეთ, რომ ეს არ არის ოპერაცია, რომლის შესახებაც შეგიძლიათ თქვათ: „მოდი, ბარემ ეს ძვალიც ამოვიღოთ“. განიხილეთ ყველაფერი დეტალურად თქვენს ექიმთან.
ოპერაციის შემდეგ ცხვირზე დაიდება თაბაშირის სახვევი. შესაძლოა ცხვირშიც იყოს ტამპონები. ახალი თაობის ტამპონების ამოღება პრობლემას აღარ წარმოადგენს. ძალიან გრძელი ტამპონები, რომლის შესახებაც მეგობრებმა გითხრეს, წარსულს ჩაბარდა.
ოპერაციის შემდეგ პირველი ღამე საკმაოდ რთული იქნება. ტამპონის გარეშეც კი გაგიჭირდებათ ცხვირით სუნთქვა; გექნებათ თავის ტკივილი, მუდმივად მოგიწევთ ყინულის დადება და გაგიჭირდებათ დაძინება. მაგრამ მეორე დღეს თავს ბევრად უკეთესად იგრძნობთ.
რამდენად არის შეშუპება დამოკიდებული ოპერაციის დროს ჩატარებულ პროცედურებზე, თქვენს სხეულსა და ექიმზე. მეორე ოპერაციის დროს შეშუპება ოდნავ მეტი იქნება. პირველი 24 საათის განმავლობაში ცხვირის წვერიდან იქნება მცირე გამონაჟონი. ესეც სრულიად ნორმალურია.
არ ინერვიულოთ ღებინების შემთხვევაში ან თუ ამოღებულ მასაში სისხლის კვალს შენიშნავთ. ზოგიერთ პაციენტს შესაძლოა ოპერაციის დროს სისხლის გადაეყლაპოს და ამან შეიძლება გამოიწვიოს ღებინება ოპერაციის შემდეგ. არ ინერვიულოთ, თუ სისხლდენა ახალი არ არის და არ გრძელდება, მაგრამ აუცილებლად შეატყობინეთ ექიმს.
მეორე დღეს შეგიძლიათ დაუბრუნდეთ ყოველდღიურ ცხოვრებას და, მაგალითად, წახვიდეთ კინოში. თაბაშირის სახვევის მოხსნის შემდეგ ცხვირზე დაიკარით თხელი ლენტი, რომელიც დაგეხმარებათ შეშუპების სწრაფად მოხსნაში.
ოპერაციის შესახებ
ანესთეზიის ტიპი: ზოგადი
სად ჩატარდება ოპერაცია: საავადმყოფოს საოპერაციო ოთახში.
ოპერაციის ხანგრძლივობა: 1.5 – 2 საათი.
ჰოსპიტალზიაციის ხანგრძლივობა: კლინიკიდან გაწერა შესაძლებელია იმავე დღეს.
პოსტოპერაციული ტკივილი - დისტრესი: მსუბუქი ჩხვლეტის შეგრძნება შეიძლება გაგრძელდეს რამდენიმე დღის განმავლობაში. როგორც წესი, საკმარისია მსუბუქი ტკივილგამაყუჩებელი საშუალება.
შეშუპება, სისხლჩაქცევები: ძლიერი სისხლჩაქცევები და შეშუპება თვალების ირგვლივ შეიძლება განვითარდეს 3-7 დღის განმავლობაში.
სახვევი ტამპონები: სახვევი ტამპონები, ასეთის არსებობის შემთხვევაში, მოიხსნება მეორე დღეს. თაბაშირის სახვევსი მოხსნა ხდება მეხუთე დღეს.
ნაკერები: ღია რინოპლასტიკის შემთხვევაში, ცხვირის წვერზე არსებული ნაკერების მოხსნა ხდება მეხუთე დღეს თაბაშირის სახვევთან ერთად.
სამსახურში დაბრუნების პერიოდი: 3-7 დღე.
ვარჯიში: ორი კვირის შემდეგ შეგიძლიათ ისეირნთ ხანგრძლივად. სამი კვირის შემდეგ შეგიძლიათ დაუბრუნდეთ რეგულარულ ფიზიკურ აქტივობას. თუმცა, უმჯობესია დაელოდოთ მინიმუმ ხუთი კვირა, რათა დაიწყოთ ისეთი სპორტული თამაშები, როგორიცაა კალათბურთი ან კრივი.
საბოლოო ფორმა: შეშუპების უმეტესობა ქრება მეორე კვირაში, თუმცა საბოლოო ფორმის მიღება ხდება სულ მცირე 6 თვეში. შუბლის მიდამოში, განსაკუთრებით წარბებს შორის არსებული შეშუპება შესაძლოა ერთ წელიწადს გაგრძელდეს.
